ސިޓީ މޮޅުވިއިރު ހާލަންޑު ދެލަނޑު ޖެހި

ޔުއެފާ ޗެމްޕިއަންސް ލީގުގައި މެންޗެސްޓަރ ސިޓީ ކުޅުނު ފުރަތަމަ މެޗުން މޮޅުވި މެޗުގައި, ޓީމުގެ ތަރި އާލިން ބްރައުޓް ހާލަންޑް ދެލަނޑު ޖަހައިފިއެވެ.

ސެވިއްޔާގެ އަމިއްލަ ދަނޑުގައި އެޓީމާއި ވާދަކުރި މެޗު ސިޓީން ކާމިޔާބުކުރީ 4-0ންނެވެ. ފުރަތަމަ ހާފުގެ 20 ވަނަ މިނެޓުގައި ސިޓީއަށް ލީޑު ނަގައިދިނީ ހާލަންޑުއެވެ. މެޗުގެ އަނެއް ތިން ލަނޑުވެސް ފެނުނީ ދެވަނަ ހާފުގައެވެ. މެޗުގެ 67 ވަނަ މިނެޓުގައި ފިލް ފޯޑެން ލަނޑެއް ޖަހާ ސިޓީއަށް ލީޑު ފުޅާކޮށްދިނެވެ. އޭގެ 10 މިނެޓު ފަހުން ހާލަންޑު ވަނީ އޭނާގެ ދެވަނަ ލަނޑު ޖަހާފައެވެ. ސިޓީގެ ފަހު ލަނޑު މެޗުގެ ފަހު ވަގުތުގައި އެޓީމަށް ކާޏިޔާބުކޮށްދިނީ ރުބެން ޑިއާސްއެވެ.

ސިޓީއާއި ސެވިއްޔާގެ އިތުރުން ގްރޫޕް ޖީގައި ދެން ހިމެނެނީ ހާލަންޑުގެ ކުރީގެ ކްލަބު ބޮރޫޝިޔާ ޑޯޓްމަންޑާއި ކޯޕަންހޭގަންއެވެ. ޑޯޓްމަންޑާއި ކޯޕަންހޭގަން ވާދަކުރި މެޗު ކާމިޔާބުކުރީ ޑޯޓްމަންޑެވެ. ޑޯޓްމަންޑުގެ އަމިއްލަ ދަނޑުގައި ކުޅުނު މި މެޗުގައި އެޓީމުން ތިން ލަނޑު ޖެހިއެވެ. ފުރަތަމަ ހާފުގެ 35 ވަނަ މިނެޓުގައި ޑޯޓްމަންޑަށް ލީޑު ނަގައިދިނީ މާކޯ ރެއުސްއެވެ. ފުރަތަމަ ހާފު ނިމުމުގެ ކުރިން ރަފައެލް ގުރޭރޯ ވަނީ ލަނޑެއް ޖަހާ ޑޯޓްމަންޑަށް ލީޑު ފުޅާކޮށްދީފައެވެ. ޑޯޓްމަންޑުގެ ފަހު ލަނޑު, މެޗުގެ 83 ވަނަ މިނެޓުގައި ޖަހައިދިނީ ޖޫޑް ބެލިންހަމްއެވެ.

ގްރޫޕް ސްޓޭޖުގެ ފުރަތަމަ މެޗުތައް ނިމުނުއިރު ސިޓީއާއި ޑޯޓްމަންޑަށްވެސް ލިބެނީ ތިން ޕޮއިންޓެވެ. ސިޓީއަށް ކުރި ލިބެނީ ފައިދާ އެއް ލަނޑުންނެވެ. ތިންވަނާގައި ސެވިއްޔާ އޮތްއިރު, ގްރޫޕްގެ ފުލުގައި އޮތީ ކޯޕަންހޭގަންއެވެ.