ޚާއްޞަ އިނާމަށް ނަން ހުށަހަޅާ ފަރާތްތަކަށް މަޢުލޫމާތު ދިނުމަށް ބާއްވާ ބައްދަލުވުން ސެޕްޓެމްބަރު 5ށް ފަސްކޮށްފި

މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްޞަ އިނާމަށް މިއަހަރު ކުރިމަތިލާން އެދޭ ފަރާތްތަކަށް މަޢުލޫމާތު ދިނުމުގެ ގޮތުން ބާއްވާ ބައްދަލުކުރުން އަންނަ ސެޕްޓެމްބަރު މަހުގެ 5 ވާ ހޯމަ ދުވަހަށް ފަސްކޮށްފިއެވެ.

މި ބައްދަލުވުން ބާއްވާ ގޮތަށް ކުރިން ހަމަޖެއްސީ ސެޕްޓެމްބަރު މަހުގެ 1 ވާ ބުރާސްފަތި ދުވަހުއެވެ.

ރައީސް އޮފީހުން ބުނީ މި ބައްދަލުވުން އޮންނާނީ، އެ ދުވަހުގެ މެންދުރުފަހު 2:00ގައި ރައީސުލްޖުމްހޫރިއްޔާގެ އޮފީހުގައެވެ. މި ބައްދަލުވުމުގައި، އޮންލައިންކޮށް ވެސް ބައިވެރިވުމުގެ ފުރުސަތުވަނީ ހުޅުއްވާލާފައެވެ.

ބައްދަލުވުމުގައި ބައިވެރިވުމަށް ނަން ނޯޓު ކުރުމަށްޓަކައި "ފުރިހަމަ ނަމާއި، ދާއިމީ އެޑްރެހާއި، ދިވެހި ރައްޔިތެއްކަން އަންގައިދޭ ކާޑުގެ ނަންބަރު" ލިޔުމަށްފަހު 7960844 ނަންބަރު ފޯނަށް މެސެޖްކުރުމަށް ރައީސް އޮފީހުން ވަނީ ބުނެފައެވެ.

މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްޞަ އިނާމަށް އެދި މިއަހަރު ނަން ހުށަހެޅުމަށް ހަމަޖެހިފައިވަނީ، ހަމައެކަނި ރައީސުލްޖުމްހޫރިއްޔާގެ އޮފީހުގެ "ފޯމު ހުށަހެޅުން"http://apply.presidency.gov.mvމި ޕޯޓަލް މެދުވެރިކޮށްގެންނެވެ. ފޯމު ހުށަހެޅުމުގެ މުއްދަތު ހަމަވާނީ އަންނަ ސެޕްޓެމްބަރު މަހުގެ 22 ވާ ބުރާސްފަތި ދުވަހުގެ މެންދުރުފަހު 3:00 އަށެވެ.