ކާށިދޫ ސްކޫލުގެ އައު އިމާރާތް ބޭނުންކުރަން ފަށައިފި
ކ. އަތޮޅު މަދަރުސާ ގައި ވެސް ކިޔަވައިދެނީ އެއް ދަންފަޅިއަށް
ކ. އަތޮޅު މަދަރުސާ (ކ. ކާށިދޫ)ގެ އައު އިމާރާތް
ކ.ކާށިދޫ ގައި ހުންނަ ކ.އަތޮޅު މަދަރުސާ ގެ އައު އިމާރާތުގެ މަސައްކަތް ނިމި، އެތަން ބޭނުންކުރަން ފަށައިފިއެވެ.
މިއާއެކު ކ. އަތޮޅު މަދަރުސާ ވެގެންދާނީ އެއް ދަންފަޅިއަށް ކިޔަވައިދޭ ސްކޫލަކަށެވެ.
ކ.އަތޮޅު މަދަރުސާގައި ޢިމާރާތްކޮށްފައިވާ 16 ކްލާސްރޫމްގެ 04 ބުރީގެ ޢިމާރާތާއި އަދި މަލްޓިޕަރޕަސް ހޯލް އިމާރާތުގެ ބިންގާ އަޅުއްވައިދެއްވީ 2 އެޕްރީލް 2019 ގައި ނައިބު ރައީސް ފައިޞަލް ނަސީމާއި އެޑިއުކޭޝަން މިނިސްޓަރ ޑރ. ޢާއިޝަތު ޢަލީއެވެ.
ޕީއެސްއައިޕީ ގެ ދަށުން ކުރިއަށްދާ މި މަސައްކަތް ހަވާލުކުރީ ޑަބްލިއު އެންޑް އޭ އޯވަސީސް ޕީ.ޓީ.އީ ލިމިޓެޑް އާއެވެ. އެ ކުންފުނިން ހުށަހެޅީ ތިރީސް ފަސް މިލިއަން އަށްޑިހަ ހަތް ހާސް އަށް ސަތޭކަ ސާދަ ރުފިޔާ ފަންސާސް އަށް ލާރި އަށެވެ.
މި ޕްރޮޖެކްޓް (16 ކްލާސްރޫމް އަދި މަލްޓިޕަރޕަސް ހޯލް އިމާރާތު) ގައި ހިމެނޭ ވަސީލަތްތަކަކީ،
ކ. އަތޮޅު މަދަރުސާގައި 497 ދަރިވަރުން ތަޢުލީމު ޙާޞިލުކުރަމުން އާދެއެވެ. އަދި 69 މުވައްޒަފުން މަސައްކަތް ކުރައްވައެވެ. ކ. އަތޮޅު މަދަރުސާ އެއްދަންފަޅިއަސް ބަދަލު ކުރުމާއި އެކު އެއްދަންފަޅިއަށް ކިޔަވައިދޭ ސަރުކާރު ސްކޫލުތަކުގެ އަދަދު 156 އަށް ވަނީ އަރާފައެވެ.
