ސަސް އަތުންވެސް ޓީނޭޖް ޕޮއިންޓެއް ހޯދައިފި
27 އޯގަސްޓު 2022 | ހޮނިހިރު 13:35ސަސް ފަހު މެޗުގައި ވާދަކުރާނީ ދަ ގްރާންޑޭއާ
ޓީނޭޖް - ދަ ގްރާންޑޭއާ ދެކޮޅަށް ނިކުތުމުގެ ކުރިން
ފުރަތަމަ ޑިވޝަންގެ ދެ ޓީމް އަތުންވެސް ކްލަބް ޓީނޭޖް ޕޮއިންޓް ހޯދައިފިއެވެ.
ދެވަނަ ޑިވިޝަންގެ ރަނަރަޕް ޓީމްގެ ހައިސިއްޔަތުން ދިވެހި ލީގު ކޮލިފިކޭޝަންގައި ވާދަކުރާ ޓީނޭޖުން ވަނީ ފުރަތަމަ މެޗުގައި ދަ ގްރާންޑޭއާ އެއްވަރުކޮށް ޕޮއިންޓެއް ހޯދާފައެވެ. ދެވަނަ މެޗުގައި މިއަދު ޕޮއިންޓެއް ހޯދީ ސުޕަރ ޔުނައިޓެޑް ސްޕޯރޓްސް (ސަސް) އަތުންނެވެ. ސަސް އަތުން ޕޮއިންޓެއް ހޯދީ ލަނޑެެއް ޖެހިޔަނުދީ ހިފަހައްޓައިގެންނެވެ. މެޗު ނިމުނީ ލަނޑެއް ނުޖެހި އެއްވަރުވެގެންނެވެ. ސަސް ވަނީ ފުރަތަމަ މެޗުގައި ދެވަނަ ޑިވިޝަންގެ ޗެމްޕިއަން ބުރު 2-0ން ބަލިކޮށްފައެވެ. އެހެންކަމުން ދެ މެޗުން ސަސްއަށް ވަނީ ހަތަރު ޕޮއިންޓް ލިބިފައެވެ. ސަސްއަށް ބާކީ އޮތީ ދަ ގްރާންޑޭއާ ވާދަކުރާ މެޗެވެ. ޓީނޭޖް ވަނީ ދެ މެޗުން ދެ ޕޮއިންޓް ހޯދާފައެވެ. ދަ ގްރާންޑޭއަށް ބާކީ އޮތީ ބުރު ސްޕޯރޓްސް ކްލަބާ ވާދަކުރާ މެޗެވެ.
ކޮލިފިކޭޝަންގައި ހޮނިހިރު ދުވަހުގެރޭ ވާދަކުރާނީ ޕޮއިންޓަކާއެކު އޮތް ދަ ގްރާންޑޭއާއި, ޕޮއިންޓެއް ނުލިބި އޮތް ބުރު ސްޕޯރޓްސް ކްލަބެވެ.
