މެލޭޝިއާގެ ސަފީރަަކަށް އަލީ ހުސެއިން ދީދީ އައްޔަންކުރަން މަޖިލީހުން ރުހުން ދީފި
އަލީ ހުސެއިން ދީދީއަކީ ރާއްޖެއިން ޔޫރަޕިއަން ޔޫނިއަންގައި ސަފީރުކަމުގެ މަޤާމްފުރުއްވާފައިވާ ބޭފުޅެއް
ނަޒާހަތު އިބްރާހިމް ރަޝީދު | 18 އޯގަސްޓު 2022 | ބުރާސްފަތި 07:45
ރާއްޖެއިން ޔޫރަޕިއަން ޔޫނިއަންއަށް ކަނޑައަޅާފައި ހުންނެވި ކުރީގެ ސަފީރު އަލީ ހުސެއިން ދީދީ
މެލޭޝިއާއަށް ރާއްޖެއިން ކަނޑަައަޅުއްވާ ސަފީރުކަަމަށް ހ.މާލެތިލަ، އަލީ ހުސެއިން ދީދީ އައްޔަންކުރަން ރައްޔިތުންގެ މަޖިލީހުން ރުހުން ދީފިއެވެ.
އަލީ ހުސެއިން އެ މަޤާމަށް އައްޔަން ކުރުމާއި މެދު މެމްބަރުންނަށް ފެންނަ ގޮތް ސާފުކުރުމަށް ނެގި ވޯޓުގައި ބައިވެރިވެވަޑައިގަތީ 46 މެމްބަރުންނެވެ. އެ ހުރިހާ މެމްބަރުން ވެސް ވަނީ އޭނާ އެ މަޤާމަށް އައްޔަންކުރަން ފެންނަކަމަށް ވޯޓުދެއްވާފައެވެ.
އަލީ ހުސެއިން ދީދީ އަކީ ރާއްޖެއިން ޔޫރަޕިއަން ޔޫނިއަންގައި ސަފީރުކަމުގެ މަޤާމްފުރުއްވާފައިވާ ބޭފުޅެކެވެ. އޭނާ ވަނީ ރާއްޖޭގެ ޚާރިޖީ ދާއިރާ އަށް ގިނަ ޚިދުމަތްތަކެއް ކޮށްދެއްވާފައެވެ.
