ރާއްޖެ
އޫރުމަސް ހިމެނޭ ޕްރޮޑަކްޓެއް ފެނުން
އޫރުމަސް ހިމެނޭ ޕްރޮޑަކްޓެއް ފެނިގެން އެ ޕްރޮޑަކްޓް ނުވިއްކަން އަންގައިފި
އެ މައުލޫމާތު މިހާރު އިސްލާމިކް މިނިސްޓްރީއާ ވެސް ވަނީ ހިއްސާކޮށްފައި
އާއިޝަތު ޝިއުރާ, ރާއްޖެ އެމްވީ | 11 އޯގަސްޓު 2022 | ބުރާސްފަތި 01:11
އޫރުމަސް ހިމެނޭ ޕްރޮޑަކްޓް
އޫރުމަސް އެކުލެވޭ ޕްރޮޑަކްޓެއް ވިއްކަން ހުރިކަން އެނގުމާއެކު އެ ޕްރޮޑަކްޓް ނުވިއްކަން ހެލްތު މިނިސްޓްރީން އަންގައިފިއެވެ.
މި މައްސަލަ ސަމާލުކަމަށް އައިސްފައިވަނީ ރެޑްވޭވުން މީހަކު ގަތް ގްރޭވީ މިކްސް ޕެކެޓެއްގެ އިންގްރީޑިއަންޓްސް ތެރޭގައި އޫރުމަސް ހުރިކަން އެނގުމުން އެ މީހާ ސޯޝަލް މީޑިއާގައި ފޮޓޯ އާންމުކުރުމުންނެވެ.
އެކަމާއި ގުޅިގެން ހެލްތު މިނިސްޓްރީން ބުނީ އެ މައްސަލަ ފާހަގަކުރެވި އެ ޕްރޮޑަކްޓް ނުވިއްކަން އަންގައިފައިވާނެ ކަމަށެވެ. އަދި އެ މައުލޫމާތު މިހާރު އިސްލާމިކް މިނިސްޓްރީއާ ވެސް ހިއްސާކޮށްފައިވާ ކަމަށް ހެލްތު މިނިސްޓްރީން ބުނެއެވެ.
