ހަގީގީ ގެދޮރުވެރިކަމަކީ އެމްޑީޕީގެ ސިޔާސަތެއް: ސައީދު

ހަގީގީ ބޯހިޔާވަހިޔާވަހިކަމަކީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީގެ) ސިޔާސަތެއް ކަަމަށް ފެނަކަ ކޯޕަރޭޝަން ޕްރައިވެޓްލިމިޓެޑްގެ މެނޭޖިން ޑިރެކްޓަރ އަހުމަދު ސައީދު މުހައްމަދު ވިދާޅުވެއްޖެއެވެ.

ހިޔާފްލެޓުގެ ދަށުން ކުންފުނިތަކުން އަޅާ ފްލެޓްތަކުގެ ތެރެއިން ސްޓެލްކޯގެ ފްލެޓްތައް ހަވާލުކުރުމަށް ބޭއްވި ރަސްމިއްޔާތު ޝަރަފުވެރިކޮށްދެއްވާ ވާހަކަދައްކަވަމުން ސައީދު ވަނީ އެމްޑީޕީ އަކީ ބޯހިޔާވަހިކަމަށް ވަކާލާތުކުރާ ޕާޓީ އެއްކަމަށް ވިދާޅުވެފައެވެ. އެ ސިޔާސަތު ޤާއިމް ކުރުމަށް އެމްޑީޕީ އިން ކުރަމުންދާ މަސައްކަތަށްޓަކައި ރައީސް އިބްރާހިމް މުހައްމަދު ސާލިހަށާއި ކުރީގެ ރައީސް އަދި ރައްޔިތުންގެ މަޖިލީހުގެ މިހާރުގެ ރައީސް މުހައްމަދު ނަޝީދަށް ޝުކުރު އަދާކުރައްވާ ކަމަށް ވެސް އޭނާ ވިދާޅުވިއެވެ.

ހިޔާފްލެޓްގެ ދަށުން ކުންފުނިތަކުން ޤާއިމްކުރާ ފްލެޓްތަކުގެ ތެރެއިން އެންމެ ފުރަތަމަ ފްލެޓްގެ މަސައްކަތް ނިންމާ، ފެލްޓެތްތައް ހަވާލު ކުރި ކުންފުންޏަކަށް ސްޓެލްކޯވުމުން އެކަމަށްޓަކާ އޭނާ ވަނީ ސްޓެލްކޯ އަށް މަރުޚަބާ ވިދާޅުވެފައެވެ. އެކަން ހާސިލް ކުރުމަށް ފެނަކައިގެ ކުރީގެ އެމްޑީއިންނާއި މިހާރުގެ އެމްޑީ އަހުމަދު ޝަރީފު ކުރެއްވި މަސައްކަތަށް އޭނާ ވަނީ ތައުރީފުވެސް ކުރައްވާފައެވެ.

ސްޓެލްކޯގެ ފްލެޓްތަކަށް ފައިސާ ދައްކަނީ 18 އަހަރަށް ބަހާލައިގެންކަމަށް ވާއިރު އޭގެ ކުރިން ދައްކަން ޖެހޭ ޑައުންޕޭމަންޓް މިހާރު ދަނީ ދައްކަމުންނެވެ. މި މަޝްރޫޢުގެ ދަށުން ސްޓެލްކޯއިންވަނީ 2 ޓަވަރު ތަރައްޤީކޮށްފައެވެ. މިދެޓަވަރުގައި ޖުމުލަ 360 ކޮޓަރި ހިމެނޭ އިރު ހަދާފައިވަނީ 1 ކޮޓަރީގެ 72 އެޕާޓްމަންޓާއި، 2 ކޮޓަރިއާއި މެއިޑް ރޫމް ހިމެނޭ 288 އެޕާޓްމަންޓެވެ. 1 ކޮޓަރީގެ އެޕާޓްމަންޓަކަށް މަހު ކުލީގެ ގޮތުގައި 5622 ރުފިޔާ ދައްކަން ޖެހެއެވެ. އަދި 2 ކޮޓަރިއާއި މެއިޑް ރޫމް ހިމެނޭ ފްލެޓްތަކަށް ދައްކަންޖެހޭ މިންވަރު އުޅެނީ 10،356 ރުފިޔާއާއި 10،652 ރުފިޔާއާއި ދެމެދުގައެވެ. މީގެ އިތުރުން ފްލެޓްތަކުގެ މެއިންޓެނަންސް ފީގެ ގޮތުގައި އިތުރު 1000 ރުފިޔާ ދައްކަން ޖެހެއެވެ.

މިހާތަނަށް ފްލެޓްތަކުގެ އެއްބަސްވުމުގައި ސޮއިކުރީ 306 މީހުންނެވެ. އަދި އެ އެއްބަސްވުމުގައި ސޮއިނުކުރާ 52 މީހުންނާއި އެކު އަންނަ ސެޕްޓެމްބަރު މަސް ނިމުމުގެ ކުރިން ސޮއިކުރާނެއެވެ. ހިޔާ މަޝްރޫޢުގެ ދަށުން ޖުމްލަ 4 ކުންފުންޏަކުން އަންނަނީ ޓަވަރުތައް ތަރައްޤީކުރަމުންނެވެ.