ބަންގްލަދޭޝްގެ ރައްޔިތެއްް ކަމަށްވާ އެމްޑީ އަލަމްގީރްއާއެކު އެއްޖިންސުން ގުޅުން ހިންގި ކަމުގެ ތުހުމަތުގައި ހައްޔަރުކޮށްފައިވާ ފުލުސް މީހާގެ ބަންދަށް 15 ދުވަސް ޖަހައިފިއެވެ.
އެކަމާއި ގުޅިގެން ފުލުހުން ބުނީ މިމައްސަލައިގައި ހައްޔަރުކޮށްފައިވާ އުމުރުން 35 އަހަރުގެ މީހާގެ ބަންދަށް ކޯޓުން 15 ދުވަހުގެ މުއްދަތެއް ދީފައިވާކަމަށެވެ. މިމައްސަލައިގެ ތުހުމަތުގައި ހައްޔަރުކޮށްފައިވާ ގާނޫނީ ވަކީލު، ނާޒިމް ސައްތާރުގެ ބަންދަށް ހަތް ދުވަސް ވަނީ ޖަހާފައެވެ. އޭނާ ބަންދުގައި ހުރީ އއ ރަސްދޫ ފުލުހުންގެ ބެލުމުގެ ދަށުގައެވެ.
ނާޒިމުގެ ބަންދާ މެދު ގޮތެއް ނިންމުމަށް ހާޒިރުކުރީ ރަސްދޫ ކޯޓަށެވެ.
މި މައްސަލައިގައި ދެން ހައްޔަރުކޮށްފައިވަނީ ނޮޅިވަރަމު ދާއިރާގެ ކުރީގެ މެންބަރު މުހައްމަދު ނަޝީދެވެ.
