ރައްޔިތުންގެ ފަޅި ބޮޑުކަން މިރޭ ޔަގީންވާނެ: ޑރ. ޖަމީލް

ރައްޔިތުންގެ ހިތްވަރުން އިރާދަ ކުރެއްވިއްޔާ ކާމިޔާބު ލިބޭނެ ކަމަށާއި ރައީސް ޔާމީން އެކަނިވެރި ވެއްޖެ ކަމަށް ރައީސް ޔާމީންގެ ފުރަތަމަ ނައިބު ރައީސް ޑރ. މުހައްމަދު ޖަމީލް އަހްމަދު ވިދާޅުވެއްޖެއެވެ.

ޑރ. ޖަމީލް ބުދަ ދުވަހުގެ ރޭ އިރާކޮޅު ކުރެއްވި ޓްވީޓެއްގައި ވިދާޅުވީ ރައްޔިތުންގެ ފަޅި ބޮޑުކަން މިރޭ ޔަގީން ވާނެ ކަމަށެވެ.

ކުރީގެ ނައިބު ރައީސް މި މޭރުމުން ޓްވީޓު ކުރެއްވީ، ކުރީގެ ރައީސް މައުމޫނު އަބްދުލް ގައްޔޫމް ގިނަ ދުވަސްތަކެއް ވަންދެން ރާއްޖޭން ބޭރުގައި އުޅުއްވުމަށް ފަހު އެނބުރި ރާއްޖެ ވަޑައިގަންނަވާތީ މަރުހަބާ ދެންނެވުމަށް ތައްޔާރުވަމުންދާ ދަނޑިވަޅެއްގައި ކަން ފާހަގަ ކުރެވެއެވެ.

ރައީސް މައުމޫނު އެނބުރި ވަޑައިގަންނަވަނީ ބުދަ ދުވަހުގެ ރޭ 10:15 ހާ އިރު ކަމަށް މައުލޫމާތު ލިބިފައިވެއެވެ.