ފަރުބަދަތަކަކީ ޖަރާ އަލްހާވަމްދީއަށް، އޭނާގެ 2 ވަނަ ވަޒަނެވެ. އުރުދުންއަށް ނިސްބަތްވާ މި ޒުވާނާ، އޭނާގެ ފަޔާ ވަދާޢުގެ ސަލާމް ކުރީ އުމުރުން އެންމެ 15 އަހަރުގައެވެ. ކެންސަރުގެ ޝިކާރައަކަށް ވެގެންނެވެ. ފަރުބައިގެ އެންމެ ކުރިއަށް، ހަލުވި ދުވެލީގައި އަރަމުން ދިޔަ ޖަރާ، އެކަން ސިފަ ކުރަމުން ދިޔައީ "މިނިވަންކަމެއް" ގެ ގޮތުގައެވެ.
އަހަރެންގެ ފައި ބުރިކޮށްލި ހިސާބުން، މީހުންނަށް އަންގައިދޭން ބޭނުންވި، ފަޔާ އެކުގައިވިއަސް، ނުލާ ވިއަސް، ނުވާނޭ ހީވާ ކަންތައްތައް ހާސިލު ކުރެވިދާނެ ކަން. މަށާ ދިމާއަށް ބަލާފަ، އަޅޭ އެ ނިކަމެތި މީހާގެ ފައި ބުރިކޮށްލީއޭ، ފައެއް ނެތޭ ނުބުނާތި. އަހަރެންނަށް އަހަރެންގެ ފައި ގެއްލުނު. އެކަމަކު، ކުޅިވަރެއްގެ ގޮތުގައި ފަރުބަދަތަކަށް އަރާނެ ޖޯޝު ލިބުނު. ފައި ބުރިކޮށްލި ހިސާބުން ފަރުބަދަތަކަށް އަރަން ފެށިން. ޖަރާ އަބަދުވެސް ވަރުގަދަ އަމާޒުތައް ހާސިލު ކުރާނެ ކަމުގެ މެސެޖު، މުޅި ދުނިޔެއަށް ދިނުމުގެ ގޮތުންޖަރާ އަލްހާވަމްދީ؛ އުރުދުންގެ ޒުވާނެއް
އުމުރުން 27 އަހަރުގެ ޖަރާއަކީ، ފަރުބަދަތަކަށް އެރުމުގެ ނަކަލީ ވެއްޓެއް ކަމަށްވާ ކްލައިމްބެޓް އައްމާން، އިންޑޯ ކްލައިމްބިންގް ޖިމްއިން އާންމު ކޮށް ފެންނަ މެމްބަރެކެވެ. ކުރިއަށް ހުރި އިވެންޓްތަކަށް ތަމްރީނުވުމަށް އޭނާ ކޮންމެ ހަފުތާއަކަށްވެސް އެ ތަނަށް ގޮސް، ފަރިތަކުރުންތައް ކުރިއަށް ގެންދެއެވެ.
ޖަރާގެ ވިސްނުން ބަހައްޓަނީ އޭނާގެ މަސްތަކުގައި ވަރު ޖެއްސުމުގެ އިތުރުން، ފަރުބަދަތަކަށް އަރާ އިރު ކުރިމަތިވެދާނެ ގޮންޖެހުންތަކުން އަރައިގަންނާނެ ހުރަސްތައް ދަސް ކުރުމަށެވެ.
މި ކަހަލަ ކުޅިވަރުތަކަކީ ހަތަރެސް ފަޔާ، މުޅި ހަށިގަނޑުގެ ބޭނުން ހިފަން ލާޒިމު ކުރާ ކުޅިވަރުތަކެއް. އެކަމަކު އަހަރެން އެކަން ބަދަލު ކޮށްފިން. އެހެން މީހުންވެސް ކަން ކުރާ ފަދައިން. އަހަރެން ވާން ބޭނުންވީ، މި ކަހަލަ ކްލައިމްބިންގް ހަރަކާތްތަކުގައި އޮތް ގަވައިދު ބަދަލު ކޮށްލި އަރަތްބަށް. ރޮކް ކްލައިމްބިންގްއާއި މައުންޓަން ކްލައިމްބިންގްއަށްވެސް ދަން. އެންމެ ފަހު ދަތުރުގަ އަހަރެން އެރީ އަރާރާތު ފަރުބަދައަށް. އެއީ ތުރުކީވިލާތުގައި ހުންނަ އެންމެ އުސް ފަރުބަދަ. الحمد لله އެއީ ކާމިޔާބު ދަތުރެއްޖަރާ އަލްހާވަމްދީ؛ އުރުދުންގެ ޒުވާނެއް
ރޮކް ކްލައިމްބިންގްއާއި މައުންޓަން ކްލައިމްބިންގްގެ ހުނަރުތައް ދަސްކޮށްފައިވާ ޖަރާ ވަނީ އެފްރިކާގެ އެންމެ ފަރުބަދަ ކަމަށް ވާ ކިލިމަންޖާރޯގެ އެންމެ އުހަށްވެސް އަރާފައެވެ. އުރުދުންއާއި ތުރުކީގެ ފަރުބަދަތަކަށްވެސް އޭނާ އަރައެވެ.
އާންމު އިންސާނެއް ފަދައިން ޖިސްމާނީ ގޮތުން ފުރިހަމަ ކަން ލިބިފައި ނެތެއް ކަމަކު، ޖަރާ އަމާޒު ހިފާފައި ހުރީ، ދުނިޔޭގެ 7 ބައްރުގެ އެންމެ އުހަށް އެރުމަށެވެ.
ފަރުބަދައެއްގެ އެންމެ އުހަށް އަހަރެން އެންމެ ފުރަތަމަ އެރި ފަރުބަދައަކަށް ވާނީ އުއްމު އަލް ދާމީ ފަރުބަދަ. އެއީ ގާތްގަނޑަކަށް 1500 މީޓަރުގެ ފަރުބަދައެއް. މާ އުސް ނޫނެއް ކަމަކު، ދަތިތަކަކާ ކުރިމަތިވި. އެކަމަކު އެކަން ހާސިލުވުން ގުޅިފައި އޮންނަނީ އަމިއްލަ ނަފުސަށް ކުރާ އިތުބާރެއްގެ މައްޗަށް. އެމީހަކަށް އެކަން ވެދާނެ ކަމަށް އެހެން މީހުން ވިސްނައިދޭން އުޅުނަކަސް އަދި ނުވާނެ. ތެދު ތެދަށް ބުނަންޏާ މިކަމަށް އަހަރެންގެ ޝައުޤު ހުރި. ކަންކަން ހޯދާ ބަލާހިތްވި. އެހެންވެ، އުނދަގޫވިއަސް، އަހަރެން ދިޔައީ ފަރުބަދަތަކަށް އަރަމުން. ފަޔަށްވެސް އަނިޔާވި. ހަށިގަނޑާއި މަސްތައް ވަރުބަލިވާން ފެށި. މިކަހަލަ ކަމަކަށް އަހަރެންގެ ހަށިގަނޑު ހޭނިފައެއް ނޫން. ރިކަވަރީއަށް ގިނަ ދުވަސްތަކެއް ހޭދަވި. الحمد لله މިއަދު އަހަރެން މި ހުރީ މިކަމަށް ދެވި ހިފާފަޖަރާ އަލްހާވަމްދީ؛ އުރުދުންގެ ޒުވާނެއް
ޖަރާ ބުނާ ގޮތުގައި ކްލައިމްބިންގްއަށް ފަށާ ހިސާބުން އޭނާގެ މާޒީއާއި އަދުގެ ދުނިޔެ މަތިން ހަނދާން ނެތިކޮށްލަފައެވެ. ވިސްނޭހާވެސް ކަމަކީ ހިފާފައި ވާ އަމާޒު ހާސިލު ކުރުން ކަމަށް ޖަރާ ބުނެއެވެ.
