ކެންސަރަށް ފައި ގެއްލުނަސް ފަރުބަދައަށް އެރުމުގައި އެވަރެއް ނެތް

ފަރުބަދަތަކަކީ ޖަރާ އަލްހާވަމްދީއަށް، އޭނާގެ 2 ވަނަ ވަޒަނެވެ. އުރުދުންއަށް ނިސްބަތްވާ މި ޒުވާނާ، އޭނާގެ ފަޔާ ވަދާޢުގެ ސަލާމް ކުރީ އުމުރުން އެންމެ 15 އަހަރުގައެވެ. ކެންސަރުގެ ޝިކާރައަކަށް ވެގެންނެވެ. ފަރުބައިގެ އެންމެ ކުރިއަށް، ހަލުވި ދުވެލީގައި އަރަމުން ދިޔަ ޖަރާ، އެކަން ސިފަ ކުރަމުން ދިޔައީ "މިނިވަންކަމެއް" ގެ ގޮތުގައެވެ.

އުމުރުން 27 އަހަރުގެ ޖަރާއަކީ، ފަރުބަދަތަކަށް އެރުމުގެ ނަކަލީ ވެއްޓެއް ކަމަށްވާ ކްލައިމްބެޓް އައްމާން، އިންޑޯ ކްލައިމްބިންގް ޖިމްއިން އާންމު ކޮށް ފެންނަ މެމްބަރެކެވެ. ކުރިއަށް ހުރި އިވެންޓްތަކަށް ތަމްރީނުވުމަށް އޭނާ ކޮންމެ ހަފުތާއަކަށްވެސް އެ ތަނަށް ގޮސް، ފަރިތަކުރުންތައް ކުރިއަށް ގެންދެއެވެ.

ޖަރާގެ ވިސްނުން ބަހައްޓަނީ އޭނާގެ މަސްތަކުގައި ވަރު ޖެއްސުމުގެ އިތުރުން، ފަރުބަދަތަކަށް އަރާ އިރު ކުރިމަތިވެދާނެ ގޮންޖެހުންތަކުން އަރައިގަންނާނެ ހުރަސްތައް ދަސް ކުރުމަށެވެ.

ރޮކް ކްލައިމްބިންގްއާއި މައުންޓަން ކްލައިމްބިންގްގެ ހުނަރުތައް ދަސްކޮށްފައިވާ ޖަރާ ވަނީ އެފްރިކާގެ އެންމެ ފަރުބަދަ ކަމަށް ވާ ކިލިމަންޖާރޯގެ އެންމެ އުހަށްވެސް އަރާފައެވެ. އުރުދުންއާއި ތުރުކީގެ ފަރުބަދަތަކަށްވެސް އޭނާ އަރައެވެ.

އާންމު އިންސާނެއް ފަދައިން ޖިސްމާނީ ގޮތުން ފުރިހަމަ ކަން ލިބިފައި ނެތެއް ކަމަކު، ޖަރާ އަމާޒު ހިފާފައި ހުރީ، ދުނިޔޭގެ 7 ބައްރުގެ އެންމެ އުހަށް އެރުމަށެވެ.

ޖަރާ ބުނާ ގޮތުގައި ކްލައިމްބިންގްއަށް ފަށާ ހިސާބުން އޭނާގެ މާޒީއާއި އަދުގެ ދުނިޔެ މަތިން ހަނދާން ނެތިކޮށްލަފައެވެ. ވިސްނޭހާވެސް ކަމަކީ ހިފާފައި ވާ އަމާޒު ހާސިލު ކުރުން ކަމަށް ޖަރާ ބުނެއެވެ.