ޖުލައި މަހުގެ 28ވާ ބުރާސްފަތި ދުވަހު ސަރުކާރު ބަންދުވާނެކަމަށް ރައީސުލްޖުމްހޫރިއްޔާގެ އޮފީހުން ބުނެފިއެވެ.
ރައީސް އޮފީހުން ބުނީ، މި އަހަރުގެ މިނިވަން ދުވަހާއި ގުޅިގެން، ކުރިންވެސް ހަމަޖައްސާފައިވާ ގޮތުގެ މަތިން ސަރުކާރު ބަންދުވާނީ ޖުލައި މަހުގެ 28 ވާ ބުރާސްފަތި ދުވަހުކަމަށެވެ.
އެހެންކަމުން، މިނިވަން ދުވަހާއި ގުޅިގެން 26 ޖުލައި ވާ އަންގާރަ ދުވަހުން ފެށިގެން ސަރުކާރު ބަންދުވުމަށްފަހު އޮފީސްތައް ދެން ހުޅުވޭނީ ޖުލައި މަހުގެ 31 ވާ އާދީއްތަ ދުވަހުއެވެ.
އެހެންނަމަވެސް، ޖުލައި މަހުގެ 24 ވަނަ ދުވަހާއި 25 ވަނަ ދުވަހު ސަރުކާރު ބަންދުކުރާ ގޮތަށް ހަމަޖެހިފައި ނުވާކަމަށް ރައީސް އޮފީހުން މައުލޫމާތު ދެއެވެ.
މިއަހަރު ފާހަގަކުރާނީ ދިވެހިރާއްޖޭގެ މިނިވަންކަމަށް 57 އަހަރު ފުރުމުގެ މުނާސަބަތެވެ.
