11 ޓީމާއެކު ޤައުމީ ނެޓްބޯޅަ މުބާރާތުގެ ދެ ޑިވިޝަން އެކުގައި ކުރިއަށް
19 ޖުލައި 2022 | އަންގާރަ 09:19ފުރަތަމަ ޑިވިޝަންގައި ވާދަކުރަނީ ހަތަރު ޓީމް
ގްރީން މެޗުގެ މޮޅު ކުޅުންތެރިޔާއަށް ޓްރޮފީ ދެނީ
11 ޓީމާއެކު ޤައުމީ ނެޓްބޯޅަ މުބާރާތް ފަށައިފިއެވެ. މުބާރާތް ކުރިއަށްގެންދަނީ ދެ ޑިވިޝަން އެކުގައެވެ.
މުބާރާތުގެ ފުރަތަމަ ޑިވިޝަންގައި ވާދަކުރަނީ ހަތަރު ޓީމެވެ. އަދި ދެވަނަ ޑިވިޝަންގައި 7 ޓީމް ވާދަކުރެއެވެ. ފުރަތަމަ ޑިވިޝަންގައި ވާދަކުރަނީ ސްޕޯރޓްސް ކްލަބް ޝައިނިންގ ސްޓާ, ކްލަބް ގްރީން ސްޓްރީޓްސް, ކުޅުދުއްފުށި ޔޫތް އެންޑް ރެކްރިއޭޝަން ކްލަބް އަދި މަހިބަދޫ ސްޕޯރޓްސް ކްލަބެވެ. ފުރަތަމަ ޑިވިޝަންގެ ފުރަތަމަ މެޗު ޝައިނިންގ ސްޓާރއާ ވާދަކޮށް 80-29 ޕޮއިންޓުން ކާމިޔާބުކުރީ ގްރީން ސްޓްރީޓްސްއެވެ. މެޗުގެ މޮޅު ކުޅުންތެރިއަކީ ގްރީންގެ އައިމިނަތު ރީމް ޝާމްއެވެ. ދެވަނަ މެޗު މަހިބަދޫއާއި ވާދަކޮށް 80-21 ޕޮއިންޓުން ކާމިޔާބުކުރީ ކުޅުދުއްފުށި ޓީމެވެ. ފައިނަލަށް ދާނީ ކޮންމެ ޓީމެއް ކޮންމެ ޓީމަކާ ދެފަހަރު ވާދަކޮށް ކުރި ހޯދާ ދެޓީމެވެ.
ނެޓްބޯޅަ އެސޯސިއޭޝަނުން ބުނީ ސްކޫލް ބަންދުތެރޭގައި މުބާރާތް ބޭއްވި ނަމަވެސް އުއްމީދު ކުރިވަރަށްވުރެ ބޮޑު ތަރުހީބެއް މުބާރާތަށް ލިބިފައިވާކަމަށެވެ.
