ށ.އަތޮޅު ބުރު ފޯކައިދޫން ފެށީ ބޮޑު މޮޅަކުން

އެމްޓީސީސީ ނޯތު ލީގު/ ދެވަނަ ޑިވިޝަން ފޯކައިދޫން ބޮޑު މޮޅަކުން ފަށައިފިއެވެ. ދެވަނަ ޑިވިޝަން ގްރޫޕް ބީގައި ފޯކައިދޫ ބޮޑު މޮޅެއް ހޯދީ ށ. ނަރުދޫ ރަމްޒު ސްޕޯރޓްސް އެކަޑަމީއާ ވާދަކޮށް 6-1 ން މެޗު ކާމިޔާބުކޮށްގެންނެވެ.

މެޗުގައި ފޯކައިދޫން ޖެހި ހަ ލަނޑުގެ ތެރެއިން އިބްރާހީމް މުޝީރުއާއި, ހަސަން ނަޝީދު ކޮންމެ ކުޅުންތެރިއަކު ދެ ލަނޑު ޖެހިއެވެ. ފޯކައިދޫއަށް ދެން ލަނޑު ޖަހައިދިނީ މުޙައްމަދު ރިސްވާންއެވެ. އަނެއް ލަނޑަކީ ނަރުދޫ ކީޕަރު އަތުން ބައިކޮޅަށް ވަން ލަނޑެކެވެ. ނަރުދޫގެ ލަނޑު ޖެހީ އަލީ ރަމްޒީއެވެ. މިގްރޫޕްގައި މިދެޓީމްގެ އިތުރުން ހިމެނެނީ ފުނަދޫ ޔުނިޓީ ސްޕޯރޓްސް ކްލަބެވެ. ނޯތް ލީގު އެއްވަނަ ޑިވިޝަނުން ޖާގަ ލިބޭނީ ކޮންމެ ޓީމެއް ކޮންމެ ޓީމަކާ ދެފަހަރު ވާދަކޮށް ކުރި ހޯދާ ދެޓީމަށެވެ.

ނޯތު ލީގުން މިހާރު ފުރަތަމަ ޑިވިޝަންގެ ޖާގަ ހޯދާފައިވަނީ ދިއްދޫ ބްލެކް ޒީނޯއާއި, ކުޅުދުއްފުށި ޒިގްޒެގް ފޯ ޔޫތު ލިންކޭޖްއެވެ.