ގޮތަބަޔާ ސިންގަޕޫރަށް ވަޑައިގަންނަވަނީ
13 ޖުލައި 2022 | ބުދަ 13:23ގޮތަބަޔާ މިހާރު ހުންނެވީ ރާއްޖޭގައި
ގޮތަބަޔާ ރާޖަޕަކްސަ
ސްރީލަންކާގެ ރައީސް ގޮތަބަޔާ ރާޖަޕަކްސަ ބުރާސްފަތި ދުވަހުގެ ރޭ ސިންގަޕޫރަށް ވަޑައިގަންނަވަން ތައްޔާރުވެވަޑައިގެންފައިވާ ކަމަށް ބޭރުގެ މީޑިއާތަކުން ރިޕޯޓް ކޮށްފިއެވެ.
ލަންކާގެ ހާލަތު ގޯސްވެ އެ ޤައުމުގެ ރައްޔިތުން މުޒާހަރާ ކުރުމުން ގޮތަބަޔާ ވަނީ އަންގާރަ ދުވަހުގެ ރޭ އެ ޤައުމު ދޫކުރައްވައި ފިއްލަވައިގެން ރާއްޖެ ވަޑައިގެންފައެވެ. އެމަނިކުފާނު ރާއްޖެ ވަޑައިގެންނެވީ ލަންކާގެ އަސްކަރީ މަތިންދާ ބޯޓެއްގައެވެ. ރާއްޖެ ވަޑައިގަތުމަށް ދައުވަތު ދެއްވީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ކަމަށް ސީއެންއެންގައި ވަނީ ރިިޕޯޓް ކޮށްފައެވެ.
ގޮތަބަޔާ ރާއްޖޭން ސިންގަޕޫރަށް ފުރާ ވަޑައިގަންނަވާނެ ކަމަށް މީޑިއާތަކުން ރިޕޯޓްކޮށްފައިވަނީ ބުދަ ދުވަހުގެ ރޭ 8:00 އެހާއިރުއެވެ، އެ މަނިކުފާނު ސިންގަޕޫރަށް ވަޑައިގެން ލަންކާގެ ރައީސްގެ މަގާމުން އިސްތިއުފާ ދެއްވާނެ ކަމަށް ވެސް ރިޕޯޓްތައް ބުނެއެވެ. އަދިމިވަގުތު އިސްތިއުފާ ނުދެއްވާ މަޑުކުރައްވަނީ މަގާމުގައި ހުންނެވުން ލިބިވަޑައިގަންނަވާނެ އިނާޔަތް ތަކަށްޓަކައެވެ.
ގޮތަބަޔާ ރާއްޖެއަށް ވަޑައިގެންނެވުމުން ރާއްޖޭގައި ދިރިއުޅޭ ލަންކާގެ ރައްޔިތުން ވަނީ އެމަނިކުފާނު އަނބުރާ ފޮނުވާލަން ބުނެ މުޒާހަރާވެސް ކޮށްފައެވެ.
