މާލެއިން 17 އަހަރުގެ ކުއްޖަކު ގެއްލިގެން ހޯދަން ފަށައިފިއެވެ.
ފުލުހުން ބުނީ، މާލެއިން 17 އަހަރުގެ އަންހެން ކުއްޖަކު ގެއްލިފައިވާ ކަމުގެ މައުލޫމާތު ޖުލައި މަހުގެ 10 ވަނަ ދުވަހު އެ ކުއްޖާގެ އާއިލާއިން ދީފައިވާ ކަމަށެވެ. އެކަން އާއިލާގެ ފަރާތުން ފުލުހުންނަށް ރިޕޯޓު ކުރުމުން އެކުއްޖާ ހޯދުމުގެ މަސައްކަތް ވަނީ ފަށާފައެވެ.
ފުލުހުން ބުނީ، އެކަމާ ގުޅިގެން އިތުރަށް ބަލަންޖެހޭ ކަންކަން ބަލައި، ކުއްޖާ ހޯދުމުގެ މަސައްކަތް ފުލުހުން ކުރަމުންދާ ކަމަށެވެ.
ގެއްލިގެން ހޯދަމުންދަނީ އާމިނަތު ޒާރާ ރިޔާޒް ނަމަކަށް ކިޔާ ކުއްޖެކެވެ.
އެ ކުއްޖާގެ އާއިލާގެ މީހަކު ފޭސްބުކްގައި ކޮށްފައިވާ ޕޯސްޓެއްގައި ވަނީ އޭނާ ގެއްލިގެން ހޯދަމުންދާ ކަމަށާއި، އޭނާ އެންމެ ފަހުން ގެއިން ނުކުތްއިރު ލައިގެން ހުރީ ނޫ ކުލައިގެ ޖީންސްއަކާއި ކަޅު ޓޮޕަކާއި ބުރުގާއެއްކަން ފާހަގަކޮށްފައެވެ.
