އެއާޕޯޓަކުން ރަށުތެރެއަށް ދިއުމަށް އެންމެ ބޮޑު ރޭލުގެ ނިޒާމެއް އޮންނަނީ ކޮން ގައުމެއްގައިކަން އެންމެނަށް ނޭނގިދާނެއެވެ. އެޝަރަފު ލިބިފައިވަނީ ސައޫދީ އަރަބިއްޔާގެ ޖިއްދާގެ ކިންގ އަބްދުލްއަޒީޒު އިންޓަރނޭޝަނަލް އެއާޕޯޓްގައި ގާއިމްކޮށްފައިވާ އަލްހަރަމައިން ރޭލު ސްޓޭޝަނަށެވެ. އަދި މިއީ މެދުއިރުމަތީގެ ގައުމެއްގައި އެއާޕޯޓުން ހައިސްޕީޑް ރޭލުގަ ރަށުތެރެއަށް ދެވޭ ފުރަތަމަ ރޭލު ނިޒާމު ކަމަށްވެސް ވެއެވެ. 99،000 އަކަމީޓަރުގެ އޭރިޔާއެއްގައި ގާއިމުކޮށްފައިވާ ރޭލު ޓަރމިނަލްގައި އެއްފަހަރާ 6 ރޭލު ފުރުވާލުމުގެ އިންތިޒާމުކުރެވޭހާ ޖާގަ އޮވެއެވެ. އަދި ޕީކް ގަޑިތަކުގައި ކޮންމެ 10 މިނެޓަކުން ރޭލެއް ދަތުރުކުރެއެވެ. މައްކާ، މަދީނާ، ޖިއްދާ، އަދި އަލަށް ތަރައްގީ ކުރެވޭ ކިންގ އަންދުﷲ އިކޮނޮމިކް ސިޓީއަށް މި ސްޓޭޝަނުން ދަތުރުކުރެއެވެ.  

ސައޫދީ އަރަބިއްޔާގެ "ވިޝަން 2030"ގެ ދަށުން ގާއިމްކޮށްފައިވާ އަލްހަރަމައިން ރޭލު ސްޓޭޝަނަކީ ހައްޖު އަދި އުމްރާވެރިންގެ ސަބަބުން މައްކާ، ޖިއްދާ، އަދި މަދީނާގެ ހައިވޭތަކަށް ބާރު ބޮޑުވުން ކުޑަކުރުމަށް ގާއިމުކޮށްފައިވާ ސްޓޭޝަނެއެކެވެ. މިތަނުގެ އިންތިޒާމުތައް ބެލެހެއްޓުމަށް ކޮންމެ ދަންފަޅިއެއްގައި ތަމްރީންވެފައިވާ 40 މުވައްޒަފުން ހަރަކާތްތެރިވެއެވެ. ކޮންމެ ރޭލެއްގައި 35 ބައި ނުވަތަ ބުރި ހިމެނޭއިރު، ކޮންމެ ރޭލެއްގައި 417 ފަސިންޖަރުންނަށް ދަތުރު ކުރެވެއެވެ.

އަލްހަރަމައިން ރޭލު ސްޓޭޝަން 2018 ވަނަ އަހަރުގެ އޮކްޓޯބަރުމަހު ފުރަތަމަ ހުޅުޅުވުމަށް ފަހު ކޮވިޑް 19އާ ގުޅިގެން މާޗް 2020ގައި ސްޓޭޝަން ބަންދުކުރިއެވެ. އެއަށްފަހު އަލުން ހުޅުވާފައިވަނީ 2021 ވަނަ އަހަރުގެ މާޗް މަހުއެވެ.