ޔަމަން އަށް އިޒްރޭލުން ދިން ހަމަލާ ގައި ބައިވެރި ނުވާ ކަމަށް ސައުދީ އިން ބުނެފި
ސައުދީ ދިފާއީ ވުޒާރާގެ ތަރުޖަމާނު ތުރުކީ އަލް-މާލިކީ ގެ މި ބަޔާނުގައި ބުނެފައިވަނީ ހުދައިދާ އަށް ދިން ހަމަލާ އާ ސައުދީ އަރަބިއްޔާ އާ އެއްވެސް ގުޅުމެއް ނެތް ކަމަށެވެ.
ސަޢޫދީ ޢަރަބިއްޔާގެ ދިފާޢީ ވުޒާރާގެ ތަރުޖަމާނު ތުރުކީ އަލް މާލިކީ
ޔަމަންގެ އަލް-ހުދައިދާ އަށް ހޮނިހިރު ދުވަހުގެ ރޭ އިޒްރޭލުން ވައިގެ މަގުން ދިން ހަމަލާ ގައި ބައިވެރިވެފާ ނުވާނެ ކަމަށް ސައުދީ އަރައްބިއްޔާ އިން ބުނެފިއެވެ.
އާދިއްތަ ދުވަހު ސައުދީ އަރަބިއްޔާ އިން ވަނީ މިކަން ސާފުކޮށް ދިނުމުގެ ގޮތުން ކަމަށް ބުނެ ބަޔާނެއް ނެރެފައެވެ.
ސައުދީ ޕްރެސް އޭޖެންސީ އިން އާންމު ކޮށްފައިވާ އެ ގައުމުގެ ދިފާއީ ވުޒާރާގެ ތަރުޖަމާނު ތުރުކީ އަލް-މާލިކީ ގެ މި ބަޔާނުގައި ބުނެފައިވަނީ ހުދައިދާ އަށް ދިން ހަމަލާ އާ ސައުދީ އަރަބިއްޔާ އާ އެއްވެސް ގުޅުމެއް ނެތް ކަމަށާއި އަދި އެ ހަމަލާ ގައި ސައުދީގެ ބައިވެރިވުމެއް ވެސް ނޯންނާނެ ކަމަށެވެ.
އޭގެ އިތުރުން ސައުދީ އަރަބިއްޔާގެ ވައިގެ ސަރަހައްދަށް ހުއްދަ ނެތި އެއްވެސް ބަޔަކު ވަނަ ނުދޭނެ ކަމަށްވެސް ބަޔާނުގައި ބުނެފައިވެއެވެ.
