ކުއަޑްރަންގިއުލާ ޓީ20 ސީރީސްގައި ބޫޓާންއާ ވާދަކުރި ދެވަނަ މެޗުންވެސް ރާއްޖެ ބަލިވެއްޖެއެވެ.

ބޫޓާންއާ ވާދަކުރި ދެވަނަ މެޗުން ރާއްޖޭގެ ގައުމީ ޓީމު ބަލިވީ ދެ ލަނޑުންނެވެ. މެޗުގައި ބޫޓާނުން ފުރަތަމަ ކުޅެން އަރައި 20 އޯވަރުގެ ތެރޭގައި ހަތް ކުޅުންތެރިން ނުބައިވެގެން 110 ލަނޑު ހެދިއެވެ. ރާއްޖެއަށް، 20 އޯވަރުގެ ތެރޭގައި 10 ކުޅުންތެރިން ނުބައިވިއިރު ހެދުނީ 108 ލަނޑެވެ. ރާއްޖެއިން އެންމެ ރަނގަޅަށް ކުޅުނީ 19 ބޯޅައިން 27 ލަނޑު ހެދި ހަޒަން ހާޒިގު ރަޝީދުއާއި, 20 ބޯޅައިން 26 ލަނޑު ހެދި އަހުމަދު ހަސަންއެވެ.

މެލޭޝިޔާއިން ވަނީ މިއަދު 9 ވިކެޓުން ތައިލެންޑް ބަލިކޮށްފައެވެ. މުބާރާތުގެ ފައިނަލްގައި މެލޭޝިޔާ ވާދަކުރާނެއެވެ. ރާއްޖެއަށް ކުރިއަށް އޮތީ ހުކުރު ދުވަހު ތައިލެންޑާ ވާދަކުރާ މެޗެވެ.