ޕެނަލްޓީގައި އޯލް އެޓޭކް ބަލިކޮށް އެކްސިޓޯ ފައިނަލަށް

ރައްޒާގުބެ މެމޯރިއަލް ކަޕްގެ ދެވަނަ ސެމީ ފައިނަލްގައި އޯލް އެޓޭކް ބަލިކޮށް، ފައިނަލްގެ ފަހު ޖާގަ އެކްސިޓޯއިން ހޯދައިފިއެވެ.

ޖުލައި 6 ވަނަ ދުވަހު ކުޅޭ ފައިނަލްގައި އެކްސިޓީ ނުކުންނާނީ އެންމެ ފަހުގެ ޗެމްޕިއަން ޗެލެންޖަރސްއާ ދެކޮޅަށެވެ.

އެކްސިޓޯ ސެމީއަށް ދަތުރުކުރީ ލީގު ބުރުގެ ތިންވަނަ ޓީމުގެ ގޮތުގައެވެ. އެއްވަނަ ޓީމުގެ ގޮތުގައި ޗެލެންޖަރސް ސެމީއަށް ދަތުރުކުރިއިރު، އޯލް އެޓޭކް ސެމީއަށް ދަތުރުކުރީ ދެވަނަ ޓީމުގެ ގޮތުގައެވެ. ފުރަތަމަ ސެމީގައި އޯލް އެޓޭކް ބަލިކޮށް ޗެލެންޖަރސް ވަނީ ފައިނަލުން ޖާގަ ހޯދާފައެވެ. އެހެންކަމުން އޯލް އެޓޭކަށް ޖެހުނީ ދެވަނަ ސެމީގައި އެކްސިޓޯއާ ވާދަކުރާށެވެ.

ސެމީގައި އާދިއްތަ ދުވަހުގެ ހަވީރު އޯލް އެޓޭކްގެ މައްޗަށް އެކްސިޓޯއިން ކުރި ހޯދީ 4-1 ންނެވެ. މެޗުގެ ފުރިހަމަ ވަގުތު ހަމަވީއިރު ދެ ޓީމު އޮތީ 1-1 ން އެއްވަރުވެފައެެވެ. އެހެންކަމުން އިތުރު ވަގުތުގެ ދެ ހާފުވަނީ ކުޅެފައެވެ. މި ދެ ހާފުގައި އެއްވެސް ޓީމަކަށް ލަނޑެއް ކާމިޔާބު ނުކުރެވުމުން ނަތީޖާ ނެރުމަށް ވަނީ ޕެނަލްޓީ ޖަހާފައެވެ. ޕެނަލްޓީގައި އެކްސިޓޯ އިން ވަނީ އެ ޓީމުގެ ފުރަތަމަ ތިން ޕެނަލްޓީ ކާމިޔާބުކޮށްފައެވެ. އެއީ އެ ޓީމުގެ އަޙުމަދު ރިފްޝާން، ނާޖިހު އިބްރާހިމް އަދި އިރުފާން އަބްދުލް ގައްޔޫމް ކާމިޔާބުކުރި ޕެނަލްޓީއެވެ. އޯލް އެޓޭކްގެ ފުރަތަމަ ތިން ޕެނަލްޓީ ވަނީ ނާކާމިޔާބުވެފައެވެ. އެއީ އެ ޓީމުގެ އަހުމަދު ޝުއޫން، އިސްމާއިލް ރާމިހު އަދި އަހުމަދު ނަބީލްގެ ޕެނަލްޓީއެވެ. މެޗުގެ މޮޅު ކުޅުންތެރިޔަކަށް ހޮވުނީ އޯލް އެޓޭކްގެ މުހައްމަދު ސާހިލްއެވެ.

މި މުބާރާތަކީ އެރަށުގެ ފުޓުބޯޅަ ލެޖެންޑު އަލްމަރުހޫމް އަބްދުއް ރައްޒާގު މޫސާގެ ހަނދާނުގައި 2015 ވަނަ އަހަރުން ފެށިގެން ބާއްވަމުން އަންނަ މުބާރާތެކެވެ. އެންމެ ފުރަތަމަ މި މުބާރާތް ބާއްވާފައިވަނީ "ތުއްތޮންބެ ކަޕް"ގެ ނަމުގައެވެ. އޭގެ ފަހުން 2019 ވަނަ އަހަރު މުބާރާތުގެ ނަން ވަނީ ރައްޒާގުބެ މެމޯރިއަލް ކަޕަށް ބަދަލުކޮށްފައެވެ.