ކ. ގުރަައިދޫ ގައި މަރުވި 4 މަހުގެ ތުއްތު ކުއްޖާގެ ޕޯސްޓްމޯޓަމް ހެދުމަށް އިއްޑިއާއަށް ފޮނުވައިފި
ހަތަރު މަހުގެ އެ ތުއްތު ކުއްޖާގެ ހަށިގަނޑު ޕޯސްޓްމޯޓަމް ހެދުމަށް އިންޑިއާ އަށް ފޮނުވީ ބުދަ ދުވަހު
ކ. ގުރައިދޫ
ކ. ގުރައިދޫގައި މަރުވި ހަތަރު މަހުގެ ތުއްތު ކުއްޖާގެ ޕޯސްޓްމޯޓަމް ހެދުމަށް ހަށިގަނޑު އިންޑިއާ އަށް ފޮނުވައިފިއެވެ.
ފުލުހުން ބުނީ، ބުދަ ދުވަހުގެ 12:00ގެ ފްލައިޓުން އެ ތުއްތު ކުއްޖާގެ ހަށިގަނޑު އިންޑިއާއަށް ފޮނުވާފައިވާ ކަމަށެވެ.
ކ. ގުރައިދޫގައި 4 މަހުގެ ތުއްތު ކުއްޖަކު މަރުވި މައްސަލައެއް ފުލުހުންނަށް ހުށަހެޅީ މި މަހުގެ 14 ވަނަ ދުވަހު އެވެ. މައުލޫމާތު ލިބޭ ގޮތުގައި އެ ކުއްޖާ އެރޭ 12:30 ހާއިރު ރަށުގެ ހެލްތު ސެންޓަރަށް ގެންދިއަ އިރުވެސް ވަނީ މަރުވެފައެވެ.
ހަށިގަނޑު ޕޯސްޓްމޯޓަމް ހަދަން ނިންމީ އެ ކުއްޖާގެ މަރުގައި ޝައްކުވާ ކަންތައްތަކެއް ހުރުމުންނެވެ. އެގޮތުން އެ ކުއްޖާގެ ހަށިގަނޑުގެ ބޭރު ފުށުން ޒަޚަމްތަކެއް ފެންނަން ނެތް ނަމަވެސް ނޭފަތުން ލޭ އައިސްފައި ހުރިކަމަށް މައުލޫމާތު ލިބިފައިވެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
