ރާއްޖޭގެ ބޮޑު ސަރަހައްދަކަށް ވައިޓް އެލަރޓް ނެރެފި
16 އަތޮޅަކަށް މޫސުމީ އެލަރޓް ވަނީ ނެރެފައި
މޫސުން ގޯސް ދުވަހެއް
ހއ. އަތޮޅުން ފެށިގެން ތ. އަތޮޅަށް ވައިޓް އެލަރޓް ނެރެފިއެވެ.
ޖުމްލަ 16 އަތޮޅަކަށް ވައިޓް އެލަރޓް ނެރެފައިވާއިރު، އެލަރޓް ނެރެފައިވަނީ ހޮނިހިރު ދުވަހުގެ ފަތިހު 04:00 އިން ހެނދުނު 10:00 އަށެވެ.
މެޓް އޮފީހުން ބުނީ މި ސަރަހައްދުތަކަށް ބޯކޮށް ވާރޭވެހުމާއެކު ގުގުރުން އެކަށީގެންވާކަމަށެވެ. ގަޑިއަކު 22 މޭލާއި، 27 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑުތައް ގަދަވާނެ ކަމަށް ލަފާކުރެވޭ ކަމަށް މެޓް އޮފީހުން ވަނީ ބުނެފައެވެ.
މި ދުވަސްވަރަކީ މޫސުން ގޯސް ދުވަސްވަރަކަށް ވުމާއެކު މެޓް އޮފީހުން ގެންދަނީ އެކި ސަރަހައްދުތަކަށް މޫސުމީ ސަމާލުތައް ނެރެމުންނެވެ. އީދު ބަންދާ ދިމާކޮށް މި ދުވަސްވަރު ގިނަ ބަޔަކު އެއް ތަނުން އަނެއް ތަނަށް ދަތުރުކުރާނެތީ މެޓް އޮފީހުގެ އިތުރުން އެމްއެންޑީއެފްއިންވެސް ވަނީ ދަތުރު ކުރުމުގައި ރައްކާތެރިކަން އިސްކުރުމަށް އިލްތިމާސްކޮށްފައެވެ.
