ރައްޒާގުބެ މެމޯރިއަލް ކަޕްގައި ސިކްސް އެކްސް އާއި އޯލް އެޓޭކް ބައްދަލުކުރި މެޗު އެއްވަރުވެގެން ނިމިއްޖެއެވެ.
މިއަދުގެ މެޗުން މޮޅުވެ އޭގެ ފައިދާ ނެގުމުގެ ފުރުސަތު ދެ ޓީމަށް ވެސް އޮތެވެ. މެޗުން މޮޅުވެ ޕޮއިންޓުގެ ގޮތުން ޗެލެންޖަރސްއާ އެއްވަރުކުރުމުގެ ފުރުސަތު އޯލް އެޓޭކްއަށް އޮތްއިރު، މެޗުން މޮޅުވެ ދެވަނައަށް އެރުމުގެ ފުރުސަތު ސިކްސް އެކްސްއަށް އޮތެވެ.
މިއަދުގެ މެޗުގައި ފުރަތަމަ ލަނޑު ޖަހައި ލީޑު ނެގީ އޯލް އެޓޭކުންނެވެ. މި ލަނޑު އެ ޓީމަށް ޖަހައިދިނީ މުހައްމަދު އަތީފްއެވެ. ނަމަވެސް މެޗުގެ 49 ވަނަ މިނެޓުގައި އުމަރު އަބްދުލް ހަންނާން ވަނީ ސިކްސް އެކްސްއަށް ނަތީޖާ ހަމަހަމަ ކޮށްދީފައެވެ، އޭގެ ހަތަރު މިނެޓު ފަހުން އަހުމަދު ޝުއޫން ވަނީ އޯލް އެޓޭކުގެ ދެ ވަނަ ލަނޑު ޖަހައި ލީޑު ނަގައިދީފައެވެ. ސިކްސް އެކްސްއަށް ދެ ވަނަ ފަހަރަށް މެޗުގެ ނަތީޖާ ހަމަހަމަކޮށްދިން ލަނޑު ޖަހައިދިނީ މުހައްމަދު ސުހެއިލްއެވެ. މެޗުގެ މޮޅު ކުޅުންތެރިޔަކަށް ހޮވުނީ އޯލް އެޓޭކްގެ އަބްދުﷲ ޝަޔާމްއެެވެ.
މެޗުން ލިބުނު އެއް ޕޮއިންޓާއެކު އޯލް އެޓޭކް ދެ ވަނައިގައި އޮތީ ޖުމުލަ ފަސް ޕޮއިންޓު ހޯދައިގެންނެވެ. ތިން ވަނައިގައި އޮތް ސިކްސް އެކްސްއަށް ލިބެނީ ހަތަރު ޕޮއިންޓެވެ. ހަތަރު ވަނައިގައި އޮތް އެކްސިޓޯއަށް ތިން ޕޮއިންޓު ލިބޭއިރު، ޕޮއިންޓެއް ނުލިބި ފުލުގައި އޮތީ ހަޓް އެފްސީއެވެ. ހަތް ޕޮއިންޓާއެކު އެއް ވަނަ މަގާމުގައި އޮތީ އެންމެ ފަހުގެ ޗެމްޕިއަން ޗެލެންޖަރސް އެވެ.
މުބާރާތުގައި ހޯމަ ދުވަހުގެ ހަވީރު އެކްސިޓޯ ނިކުންނާނީ ޗެލެންޖަރސްއާ ދެކޮޅަށެވެ.
