އޯލް އެޓޭކުން އެކްސިޓޯ ބަލިކޮށްފި

ރައްޒާގުބެ މެމޯރިއަލް ކަޕްގައި އޯލް އެޓޭކްއާއި އެކްސިޓޯ ބައްދަލުރި މެޗު އޯލް އެޓޭކުން ކާމިޔާބުކޮށްފިއެވެ.

މުބާރާތުގައި އެކްސިޓޯއިން ކުޅުނު ފުރަތަމަ މެޗުގައި އެ ޓީމުން ވަނީ ހަޓް އެފްސީ ބަލިކޮށްފައެވެ. އޯލް އެޓޭކުގެ ފުރަތަމަ މެޗުގައި އެ ޓީމު ނިކުތީ އެންމެ ފަހުގެ ޗެމްޕިއަން ޗެލެންޖަރސްއާ ދެކޮޅަށެވެ. އެ މެޗު ނިމުނީ އެއްވެސް ޓީމަކަށް ލަނޑެއް ކާމިޔާބު ނުކުރެވިއެވެ.

މުބާރާތުގައި ހުކުރު ދުވަހުގެ ހަވީރު ކުޅުނު މެޗު އޯލް އެޓޭކުން ކާމިޔާބުކުރީ 4-2 ންނެވެ. އޯލް އެޓޭކުގެ ލަނޑުތައް ކާމިޔާބުކޮށްދިނީ އިސްމާއިލް ރާމިހް، މުހައްމަދު އަތީފް އަދި އަހުމަދު ޝައޫންގެ އިތުރުން މުހައްމަދު ގައްޔޫމެވެ. އެކްސިޓޯގެ ދެ ލަނޑު ޖެހީ އިރުފާން އަބްދުލް ގައްޔޫމާއި އިމްހާދު އަބްދުލް ގައްޔޫމްއެވެ. މެޗުގެ މޮޅު ކުޅުންތެރިޔަކަށް ހޮވުނީ އޯލް އެޓޭކްގެ މުހައްމަދު އަތީފްއެވެ.

މެޗުން މޮޅުވެ ލިބުނު ތިން ޕޮއިންޓާއެކު ޖުމުލަ ހަތަރު ޕޮއިންޓު ހޯދައިގެން އޯލް އެޓޭކް އޮތީ ލީގު ތާވަލްގެ ދެ ވަނަ މަގާމުގައެވެ. އެއް ވަނަ މަގާމުގައި އޮތް ޗެލެންޖަރސް އަށް ވެސް ލިބެނީ ހަތަރު ޕޮއިންޓެވެ. ނަމަވެސް ޗެލެންޖަރސްއަށް ކުރި ލިބެނީ ފައިދާ ގޯލުންނެވެ. ތިން ވަނަ މަގާމުގައި އޮތް އެކްސިޓޯއާއި ސިކްސް އެކްސް އަށް ލިބެނީ ތިން ޕޮއިންޓެވެ. ފައިދާ ގޯލުން ކުރި ލިބެނީ އެކްސިޓޯއެވެ. ދެ މެޗުން ވެސް ބަލިވެ ޕޮއިންޓެއް ނުލިބި ހަޓް އެފްސީ އޮތީ ފުލުގައެވެ.