ޓިއުނީޝިއާގެ 57 ގާޒީން ވަޒީފާއިން ވަކިކޮށްފި

ކޮރަޕްޝަނާއި، ޓެރަރިސްޓުންނަށް ހިމާޔަތްދޭ ކަމުގެ ތުހުމަތުގައި ޓިއުނީޝިއާގެ 57 ގާޒީން މަގާމުން ވަކިކުރަން އެގައުމުގެ ރައީސް ނިންމަަވައިފިއެވެ.

ގައުމާ މުޚާތަބުކުރައްވާ ވާހަކަފުޅުދައްކަވަމުން ޓިއުނީޝިއާގެ ރައީސް ކައިސް ސައީދު ވިދާޅުވީ އެގައުމުގެ ޖުޑީޝަރީ އިސްލާހުކޮށް އެތަނަކީ ސާފުތާހިރު ތަނަކަށް ހެދުމަށް ފުރުސަތަކަށްފަހު ފުރުސަތެއް ދީ، އިންޒާރަކަށްފަހު އިންޒާރެއްވެސް ދީފައިވާކަމަށެވެ.

އޭގެ ފަހުން އެގައުމުގެ ރަސްމީ ގެޒެޓުން ވަނީ 57 ގާޒީން މަގާމުން ވަކިކޮށްފައިވާކަން އިއުލާނުކޮށްފައެވެ.

ޓިއުނީޝިޔާގެ ރައީސް ސައީދު ވިދާޅުވީ މިއީ އެގައުމު ސަލާމަތްކުރުމަށް މުހިންމު ކަމެއް ކަމެކެވެ. އަދި ގައުމު ސަލާމަތްކުރުމަށް ކަމަށް ވިދާޅުވެ، އެމަނިކުފާނު ގެންދަވަނީ ގިނަ އިދާރާތަކުގެ އިސް ބޭބޭފުޅުން މަގާމުން ވަކިކުރައްވަމުންނެވެ.