ރާއްޖޭގައި ހުންނަވާ ޕާކިސްތާނުގެ ހައިކޮމިޝަނަރު ވައިސް އެޑްމިރަލް (ރިޓަޔާޑް) އާތިރު މުޚުތާރު ކުޅުފުއްފުށި ސިޓީއަށް ވަޑައިގަންނަވައިފިއެވެ.
އެމަނިކުފާނު އިސްނަންގަވައިގެން ކުޅުދުއްފުށީ ސީޓީއަށް ކުރައްވާ މިދަތުރުފުޅުގައި އެސިޓީއަށް ވަޑައިގެންނެވުމުން އެއަރޕޯޓުން މަރުޙަބާ ދެންނެވީ ކުޅުދުއްފުށީ ސިޓީ މޭޔަރު މުޙައްމަދު ޢާޠިފްއާއި، ކައުންސިލް މެމްބަރުންނާއި އަދި ކައުންސިލްގެ އެހެނިހެން އިސް ބޭފުޅުންނެވެ.
މި ދަތުރުފުޅުގައި އެމަނިކުފާނުވަނީ ކުޅުދުއްފުށީ ސިޓީ ކައުންސިލްއާ ބައްދަލުކުރައްވައި، ދެފަރާތުން ގުޅިގެން ކުރެވިދާނެ ކަންކަމާ ގުޅޭގޮތުން މަޝްވަރާ ކުރައްވާފައެވެ.
ދެ ދުވަހުގެ މި ދަތުރުފުޅުގައި ސިޓީ ކައުންސިލްގެ އިތުރުން ތަޢްލީމީ ދާއިރާއާއި، ސިއްޙީ ދާއިރާގެ ފަރާތްތަކާ ހައިކޮމިޝަނަރު ބައްދަލުކުރެއްވުމަށް ވަނީ ހަމަޖެހިފައެވެ.
މިދަތުރުފުޅު ނިންމާލެއްވުމަށްފަހު އެމަނިކުފާނު ކުޅުދުއްފުށީ ސިޓީއިން ފުރާވަޑައިގަންނަވާނީ މާދަމާ ހެނދުނުއެވެ.
