އޮސްޓްރޭލިޔާގެ އައު ސަރުކާރަށް ޕާލަމެންޓްގެ މެޖޯރިޓީ ލިބިއްޖެ
31 މެއި 2022 | އަންގާރަ 13:58އެންތަނީ އަލްބަނީސް ކެމްޕެއިންކުރެއްވީ ތިމާވެށި ހިމާޔަތްކުރައްވާނެކަމަށް ވިދާޅުވެ
އެންތަނީ އަލްބަނީސް - އޮސްޓްރޭލިޔާގެ އައު ބޮޑުވަޒީރު
އޮސްޓްރޭލިޔާގައި އަލަށް ހޮވިފައިވާ ލޭބަރ ސަރުކާރަށް ޕާލަމެންޓްގެ މެޖޯރިޓީ ލިބިފައިވާކަމަށް އެނަލިސްޓުން ބުނެފިއެވެ. އައު ބޮޑުވަޒީރު އެންތަނީ އަލްބަނީސްގެ ސެންޓަރ ލެފްޓް ޕާޓީ ވަނީ މޭ 21 ވަނަ ދުވަހު ބޭއްވުނު އިންތިޚާބުގައި، ބޮޑުވަޒީރު ސްކޮޓް މޮރިސަންގެ ކޮންޒަވެޓިވް ކޯލިޝަން ބަލިކޮށްފައެވެ. އިންތިޚާބްގައި މިނިވަން ކެންޑިޑޭޓުންނާއި މައިނޯރިޓީ ޕާޓީތަކުގެ ތާއީދު ފުރަތަމަ ފެނުނު ގޮތުން އަލްބަނީސްގެ ޕާޓީއަށް އެކަނި ސަރުކާރު އެކުލަވާލެވޭނެކަން އޮތީ ޔަގީންނުވެފައެވެ. ނަމަވެސް މިހާރު އަލްބަނީސްގެ ޕާޓީއަށް މިވަނީ ތިރިގޭގެ 76 ގޮޑި ޔަގީން ވެފައެވެ. މިއާއެކުވެސް ސެނެޓް ނުވަތަ މަތިގޭން ބިލްތައް ފާސް ކުރުމަށްޓަކައި އަދިވެސް އެހެން ޕާޓީތަކުގެ ސަޕޯޓް، ވެރިކަންކުރާ ޕާޓީއަށް ބޭނުންވާނެއެވެ.
ނިމުނު އިންތިޚާބުގައި އޮސްޓްރޭލިޔާގެ ވޯޓުލެވޭ އާބާދީގެ ތިންބައިކުޅައެއްބައި މީހުން ވޯޓުލީ ބޮޑެތި ޕާޓީތަކަށް ނިސްބަތްނުވާ ކެންޑިޑޭޓުންނަށްކަމަށްވެއެވެ.
އެންތަނީ އަލްބަނީސްގެ ސަރުކާރަކީ ފާއިތުވި 10 ވަރަކަށް އަހަރުގެ ތެރޭގައި އޮސްޓްރޭލިޔާގައި ފުރަތަމަ ވެރިކަމަށް އައި ލޭބަރ ސަރުކާރެވެ.
