ތ. ގުރައިދޫ ބަނދަރުގެ މަސައްކަތް ނިންމާލައިފި
26 މެއި 2022 | ބުރާސްފަތި 16:06މިއީ 46 މިލިއަން ރުފިޔާގެ މަޝްރޫއެއް
ތ. ގުރައިދޫ ބަނދަރު
ތ. ގުރައިދޫ ބަނދަރު ތަރައްގީ ކުރުމުގެ މަޝްރޫއުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ނިންމާލައިފިއެވެ.
ޕްލޭނިން މިނިސްޓްރީގެ ފަރާތުން އެމްޓީސީސީއާ ހަވާލު ކޮށްގެން ކުރިއަށްގެންދާ މި މަޝްރޫއަކީ 46.01 މިލިއަން ރުފިޔާގެ މަޝްރޫއެކެވެ.
މި މަޝްރޫއުގެ ދަށުން 18،086 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 6399 ކިއުބިކް މީޓަރުގެ ސަރަހައްދެއްގެ ނެރު ފުން ކުރުމާއި އެއްގަމު ތޮށި ލުމާއި ބޭރު ތޮށި ލުމުގެ މަސައްކަތް ވަނީ ނިންމާފައެވެ. އަދި ރިވެޓްމަންޓް ޖެހުމާއި ގްރޮއިންސް ޖެހުމާއި ޕޭވްމަންޓް ހެދުމާއި މަގުބައްތި ހަރުކުރުމުގެ މަސައްކަތް ވެސް މި މަޝްރޫއުގެ ދަށުން ވަނީ ނިންމާފައެވެ.
އެމްޓީސީސީން ވަނީ ފާއިތުވި 3 އަހަރު ތެޜޭގައި ރާއްޖޭގެ އުމްރާނީ ތަރައްްގީގެ ގިނަ މަޝްރޫއުތަކެއް ހިންގާފައެވެ. މީގެ ތެރޭގައި ބަނދަރު ތަރައްގީ ކުރުމާއި މަގު ހެދުމާއި ބިން ހިއްކުމާއި ގޮނޑުދޮށް ހިމާޔަތް ކުރުން ފަދަ މަޝްރޫއުތައް ހިމެނެއެވެ.
