މޮރީނިއޯ ރޯމާއަށް ކޮންފަރެެންސް ލީގު ކާމިޔާބުކޮށްދީފި
މޮރީނިއޯ ވެފައިވަނީ ޔުއެފާގެ ކްލަބް ހުރިހާ މުބާރާތެއް ކާމިޔާބުކުރި ހަމައެކަނި ކޯޗަށް
ތަށްޓާއެކު ރޯމާ ކުޅުންތެރިން: ފޮޓޯ-ކޮންފެނެސްލީގު ޓްވީޓަރ
ރޯމާއަށް އިރުޝާދު ދިން ފުރަތަމަ ސީޒަންގައި ކޯޗު މޮރީނިއޯ ރޯމާއަށް ކޮންފަރެންސް ލީގު ކާމިޔާބުކޮށްދީފިއެވެ.
އަލަށް ތަޢާރަފްކުރި ޔޫރަޕްގެ ތިންވަނަ ފަންތީގެ ކްލަބް މުބާރާތް ރޯމާއިން ކާމިޔާބުކުރީ ފައިނަލްގައި ނެދަލެންޑްސްގެ ފެޔަނޫޑާ ވާދަކޮށް 1-0 ން ކުރި ހޯދައިގެންނެވެ. މިމުބާރާތުގެ ޗެމްޕިއަންކަން ހޯދި ފުރަތަމަ ކޯޗުގެ ޝަރަފް މޮރީނިއޯއަށް ވަނީ ލިބިފައެވެ. އަދި ރޯމާއަކީ މުބާރާތުގެ ތަށި އުފުލާލި ފުރަތަމަ ޓީމެވެ. ތާރީޚީ ލަނޑު ޖެހީ ޒަނިއޯލޯއެވެ. މޮރީނިއޯ ވަނީ މީގެކުރިން ޗެމްޕިއަންސްލީގާއި, ޔޫރޮޕާ ލީގާއި, ޔުއެފާ ކަޕްވެސް ހޯދާފައެވެ މިތަށްޓާއެކު މޮރީނިއޯ ވެފައިވަނީ ޔުއެފާގެ ހުރިހާ ކްލަބް މުބާރާތެއް އުފުލާލި ފުރަތަމަ ކޯޗަށެވެ. މުބާރާތުގެ ގްރޫޕް ސްޓޭޖްގައި ރޯމާ ވަނީ 6-1 ން ނޯވޭގެ ބޯޑީ އަތުން ބަލިވެ ފާުކިއުންތައްވެސް އަމާޒުވެފައވެެ.
ކާމިޔާބީއަށްފަހު މޮރީނިއޯ ބުނީ މިއީ އެންމެ ރެއެއްގެ ކާމިޔާބީއެއް ނޫންކަމަށާއި, މިއީ ތާރީޚީ ކާމިޔާބީއެއްކަމަށެވެ. އަދި ރޯމާގެ ނަން ތާރީޚުގައި ލިޔެވުނީކަމަށެވެ.
