ވޮލީބޯޅަ އެސޯސިއޭޝަންކަޕްގެ އަންހެން ޑިވިޝަން ދިވެހި ސިފައިންގެ ކްލަބުން ފަސޭހަ މޮޅަކުން ފަށައިފިއެވެ.

ސިފައިންގެ ކްލަބް ފުރަތަމަ މެޗު ފަސޭހަކަމާއެކު ކާމިޔާބުކުރީ ހާފް ލިންކޭޖާ ވާދަކޮށް ސީދާ ތިން ސެޓުންނެވެ. މެޗުގެ ފުރަތަމަ ސެޓްގައި ހާފް ލިންކޭޖަށް ލުބުނީ ފަސް ޕޮއިންޓެވެ. ދެވަނަ ސެޓްގައި 13 އަދި ތިންވަނަ ސެޓްގައި 9 ޕޮއިންޓެވެ. މެޗުގެ މޮޅު ކުޅުންތެރިއަކީ ސިފައިންގް ކްލަބްގެ ފާތިމަތު ވިރާޝާއާއެވެ. ވިރާޝާއަކީ މިމުބާރާތަށް ސިފައިންގެ ކްލަބުން މަތިވެރިން ގެނައި ކުޅުންތެރިއެކެވެ.

މުބާރާތުގައި ޕޫލް އޭގައި ހިންމަފުށި ވިކްޓޯރިއަސް ސްޕޯރޓްސް ކްލަބުން ވަނީ ފުރަތަމަ މެޗުގައި ޔޫތް ނިއުޖެނެރޭޝަނާ ވާދަކޮށް ސީދާ ތިން ސެޓުން މެޗު ކާމިޔާބުކޮށްފައެވެ. މެޗުގެ ސެޓްތައް ހިންމަފުށި ޓީމުން ގެންދިޔައީ 25-14, 25-12, 23-25 އަދި 25-14 ނެވެ. މެޗުގެ މޮޅު ކުޅުންތެރިއަކީ ހިންމަފުށި ޓީމްގެ އިނާޔާ ނަސީރެވެ.