ޓޮޓެންހަމް ގަދަ ހަތަރެއް ޔަޤީންކުރީ ސޮންގެ ރަންބޫޓާއެކު
23 މެއި 2022 | ހޯމަ 02:53ސޮންއާއި ސަލާހުވެސް ލީގުގައި ޖެހީ 23 ގޯލް
ސޮން ރަންބޫޓާއެކު: ފޮޓޯ-ޕްރިމިއަރ ލީގު
އިނގިރޭސި ޕްރިމިއަރ ލީގުގެ ފަހު މެޗުގައި 5-0 ން ނޮރިޗް ސިޓީ ބަލިކޮށް, ތާވަލްގެ ހަތަރުވަނަ ޓޮޓެންހަމްއިން ޔަޤީންކޮށްފިއެވެ. އެއާއެކު ޗެމްޕިއަންސްލީގުގެ ޖާގަ ޓޮޓެންހަމްއަށް ވަނީ ކަށަވަރުވެފައެވެ.
ގަދަ ހަތަރެއް ޔަޤީންކުރި މެޗުގައި ޓޮޓެންހަމްގެ ސޮން ދެ ލަނޑު ޖެހިއެވެ. އެދެލަނޑާއެކު އޭނާ ވަނީ 23 ލަނޑު ޖަހައިގެން ލީގުގެ ރަންބޫޓް ހޯދާފައެވެ. ސޮން ރަންބޫޓް ހޯދީ ލިވަޕޫލްގެ ސަލާހުއާއެކު އެވެ. ދެ ކުޅުންތެރިންވެސް 23 ލަނޑު ހަމަކުރީ ފަހު މެޗުގައި ލަނޑު ޖަހައިގެންނެވެ, ލިވަޕޫލުން ފަހު މެޗުގައި 3-0 ން ވުލްވްސް ބަލިކުރި މެޗުގައި ސަލާހު ލަނޑެއް ޖެހިއެވެ. ޓޮޓެންހަމްއިން ލީގުގެ ހަތަރުވަނަ ޔަޤީންކުރިއިރު އާސެނަލްއިންވެސް ދިޔައީ ފަހު މެޗާ ހަމައަށް ވާދަކުރަމުންނެވެ.
އާސެނަލް ފަހު މެޗުގައި އެވަޓަން އަތުން 5-1 ން މޮޅުވިއެވެ. އެކަމަކު ޓޮޓެންހަމްއިން ނަތީޖާ ނެރުމުން އާސެނަލްއަށް ފުރުޞަތު ލިބެނީ ފަސްވަނަ ޓީމްގެ ގޮތުގައި ޔޫރޮޕާ ލީގުންނެވެ. ދެޓީމްގެ ދެމެދުގައި އޮތީ ދެ ޕޮއިންޓްގެ ފަރަޤެކެވެ.
