ޗެމްޕިއަން ރެއާލްގެ ފަހު މެޗު އެއްވަރު
ރެއާލްއަށް ބާކީ އޮތީ ޗެމްޕިއަންސްލީގު ފައިނަލް މެޗު
މެޗަށްފަހު ރެއާލްގެ ކުޅުންތެރިން
ސްޕެނިޝް ލަލީގާގެ ޗެމްޕިއަން ރެއާލް މެޑްރިޑް ލީގުގައި ކުޅުނު ފަހު މެޗު އެއްވަރުވެއްޖެއެވެ.
ރެއާލްގެ ފަހު މެޗު އެއްވަރުވީ ރެއާލް ބެޓިސްއާ ވާދަކޮށް ލަނޑެއް ނުޖެހިއެވެ. ރެއާލް ބެޓިސްއަކީ ތާވަލްގެ ފަސްވަނާގައި އޮތް ޓީމެވެ. ކޮޕަޑެލްރޭގެ ޗެމްޕިއަން ޓީމާ ދެކޮޅަށް ކޯޗު އެންޗެލޮޓީ ނެރުނީ ވަރުގަދަ ޓީމެކެވެ. މެޗުގައި ލަނޑެއް ޖެހުމާ ގާތަށް ދެފަހަރެއްގެ މަތީން ބެންޒިމާ ދިޔަ ނަމަވެސް, ލީގުގައި 27 ގޯލް ހަމައެއްނުކުރެވުނެވެ. މިސީޒަނަށްފަހު ކްލަބް ދޫކޮށްލަން ނިންމާފައިވާ ގެރެތު ބޭލް މެޗުގެ ސްކޮޑްގައި ނުހިނަމައެވެ. ރެއާލް ލީގު ނިންމާލީ 86 ޕޮއިންޓާއެކުއެވެ.
ސީޒަންގައި ރެއާލް މެޑްރިޑަށް ބާކީ އޮތީ ޗެމްޕިއަންސްލީގު ފައިނަލް މެޗެވެ. ޗެމްޕިއަންސްލީގު ފައިނަލްގައި ލިވަރޕޫލާ ދެކޮޅަށް ރެއާލް ނިކުންނާނީ މިމަހުގެ 28 ވަނަ ދުވަހުގެ ރެއެވެ.
