ކުރިއަށް އޮތް ދައުރަށް އެމްޓީސީސީގެ ބޯޑަށް ޑިރެކްޓަރުން އައްޔަން ކޮށްފި
ސަރުކާރުގެ ފަރާތުންނާއި އާއްމު ހިއްސާދާރުންގެ ފަރާތުންވެސް ބޯޑަށް މެންބަރުން އައްޔަން ކުރި
އެމްޓީސީސީގެ އަހަރީ އާންމު ޖަލްސާ
ކުރިއަށް އޮތް ދައުރަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ބޯޑަށް ސަރުކާރުގެ ފަރާތުންނާއި އާއްމު ހިއްސާދާރުންގެ ފަރާތުން ޑިރެކްޓަރުން އައްޔަން ކޮށްފިއެވެ.
ބުރާސްފަތި ދުވަހުގެ ރޭ ބޭއްވި އެމްޓީސީސީގެ އަހަރީ އާއްމު ޖަލްސާގައި ސަރުކާރުގެ ފަރާތުން އެ ކުންފުނީގެ ބޯޑަށް ފަސް މެމްބަރުން ވަނީ އައްޔަން ކޮށްފައެވެ. މި މަގާމުތަކަށް އައްޔަން ކޮށްފައިވަނީ މިހާރުވެސް މި މަގާމުތަކުގައި ތިއްބެވި މެމްބަރުންނެވެ.
އެމްޓީސީސީގެ ބޯޑުގައި ސަރުކާރު ތަމްސީލް ކުރައްވާ މެމްބަރުން
ސަރުކާރުގެ އިތުރުން ކުރިއަށް އޮތް ދައުރަށް އާއްމު ހިއްސާދާރުންގެ ފަރާތުން ދެ ޑިރެކްޓަރުންވެސް ވަނީ އައްޔަން ކޮށްފައެވެ. އެ މަގާމަށް 3 މީހެއްގެ ނަން ބޯޑުން ޖަލްސާއަށް ހުށަހެޅިއެެވެ.
އާއްމު ހިއްސާދާރުންގެ ތެރެއިން ހޮވުނު ޑިރެކްޓަރުން
އެމްޓީސީސީގެ ޑިރެކްޓަރުންގެ ބޯޑުގެ ދައުރަކީ ދެ އަހަރު ދުވަހެވެ. ކޮންމެ ދެ އަހަރަކަށްފަހު ބޯޑަށް ޑިރެކްޓަރުން އައްޔަން ކުރަން ހިއްސާދާރުންގެ މެދުގައި ވޯޓު ނަގާނެއެވެ.
