ކ. މާލެ
|
19 މެއި 2022 | ބުރާސްފަތި 23:39
އެމްޓީސީސީގެ އަހަރީ އާންމު ޖަލްސާ
އެމްޓީސީސީގެ އަހަރީ އާންމު ޖަލްސާ
ރާއްޖެއެމްވީ
އެމްޓީސީސީގެ އަހަރީ އާއްމު ޖަލްސާ
އެމްޓީސީސީން ހިއްސާއަކަށް 3.50 ރުފިޔާ ބަހަން ފާސްކޮށްފި
 
ޖަލްސާގައި 556 ހިއްސާދާރުން ބައިވެރިވި
 
އޮޑިޓަރުންގެ ގޮތުގައި ޕްރައިސްވޯޓަރހައުސް ކޫޕަރސްވަނީ ހޮވާފައި
 
ހިއްސާއަކަށް 3.50 ރުފިޔާ ބަހަން ފާސްކުރީ 396 ހިއްސާދާރުންގެ ވޯޓުން

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ މިދިޔަ އަހަރުގެ ފައިދާގެ ގޮތުގައި ހިއްސާއަކަށް 3.50 ރުފިޔާ ބަހަން ފާސްކޮށްފިއެވެ.

މިގޮތަށް ފާސްކޮށްފައިވަނީ ބުރާސްފަތި ދުވަހުގެ ރޭ ބޭއްވި އެ ކުންފުނީގެ އަހަރީ އާއްމު ޖަލްސާގައެވެ. އެގޮތުން ހިއްސާއަކަށް 3.50 ރުފިޔާ ބަހަން ފާސްކޮށްފައިވަނީ ޖަލްސާއަށް ހާޒިރުވި ހިއްސާދާރުންގެ ތެރެއިން 396 ހިއްސާދާރުންގެ ވޯޓުންނެވެ.

އެމްޓީސީސީގެ އަހަރީ އާއްމު ޖަލްސާގައި 556 ހިއްސާދާރުން ބައިވެރިވިއެވެ. މީގެ ތެރޭގައި އޮންލައިންކޮށްވެސް ހިއްސާދާރުން ބައިވެރިވިއެވެ.

މިއަހަރުގެ އަހަރީ އާއްމު ޖަލްސާގައި އެމްޓީސީސީއިން 5.6 މިލިއަން ހިއްސާ ތަމްސީލު ކުރިއެވެ. އެއީ ކުންފުނީގެ ޖުމްލަ ހިއްސާގެ 70 އިންސައްތައެވެ.

އެމްޓީސީސީގެ ހިއްސާގެ ފައިދާ ބަހާނީ 18 އޭޕްރިލް 2022 ގެ ނިޔަލަށް އެ ކުންފުނީގައި ހިއްސާދާރުންގެ ގޮތުގައި ރަޖިސްޓްރީ ކޮށްފައިވާ ހިއްސާދާރުންގެ މެދުގައެވެ.

ހިއްސާގެ ފައިދާގެ އިތުރުން 2022 ވަނަ އަހަރަށް 498 ހިއްސާދާރުންގެ ވޯޓާއެކު ޕްރައިސްވޯޓަރހައުސް ކޫޕަރސް ވަނީ އޮޑިޓަރުންގެ ގޮތުގައި ހަމަޖައްސާފައެވެ. އެ ކުންފުނީގެ އުޖޫރައެއްގެ ގޮތުގައި ކަނޑައަޅާފައިވަނީ 478،590 ރުފިޔާއެވެ.

އެމްޓީސީސީއަށް 2021 ވަނަ އަހަރަކީ އެ ކުންފުނީގެ ތާރީހުގައި ވެސް އެންމެ ކާމިޔާބު އަހަރެވެ. އެގޮތުން، އެ ކުންފުންޏަށް 271 މިލިއަން ރުފިޔާގެ ފައިދާއެއް ލިބުނެވެ. އެއީ 2020 ވަނަ އަހަރާ އަޅާ ބަލާއިރު 20.96 އިންސައްތައިގެ ކުރިއެރުމެކެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް
ގުޅުންހުރި