ބްރައިޓަންގެ ޑިފެންޑަރ މާކް ކުކުރޭލާ ހޯދުމުގެ މަސައްކަތް މެންޗެސްޓަރ ސިޓީން ފަށައިފިއެވެ.

މެންޗެސްޓަރ ސިޓީއަށް މިހާރު ދިމާވެފައިވާ އެންމެ ބޮޑު މައްސަލައަކީ ވާއަތު ފަޅިން ފަހަތަށް ކުޅޭނެ ރަނގަޅު ޑިފެންޑަރެއް ނެތުމެވެ. މި މައްސަލަ ހައްލުކުރުމަށްޓަކައި އުރުމުން 23 އަހަރުގެ މާކް ހޯދަން އެޓީމުން މަސައްކަތް ކުރަމުން އަންނައިރު، މާކްއަކީ ވަރަށް ބޮޑަށް ކުރިއަށް ޖެހިގެން އެޓޭކްގައިވެސް ބައިވެރިވާ ކުޅުންތެރިއެކެވެ. މިއީ ގާޑިއޯލާގެ ސަމާލުކަން އޭނާއަށް ހުއްޓުނު އެންމެ ބޮޑު އެއް ސަބަބެވެ.

މި ސީޒަންގައި ބްރައިޓަންއަށް 34 މެޗު ކުޅެދީފައިވާ މާކް ވަނީ މި ސީޒަންގައި ރެކޯޑު އަދަދަކަށް ޕޮޒިޝަން ވިންކޮށްފައެވެ. އޭނާ ވަނީ މި ސީޒަންގައި 241 ފަހަރު ޕޮޒިޝަން ވިން ކޮށްފައެވެ. އޭނާގެ ފުރަތަމަ ލަނޑު ބްރައިޓަންއަށް ދާދި ފަހުން ކާމިޔާބުކޮށްދިނީ މެންޗެސްޓަރ ޔުނައިޓެޑާ ދެކޮޅަށް ކުޅުނު މެޗުގައެވެ.

ބާސެލޯނާގެ އެކެޑަމީން އުފެދުނު މާކް، ގެޓާފޭއަށް ކުޅެމުން ދަނިކޮށް ބްރައިޓަންއިން އޭނާ ހޯދީ 15.4 މިލިއަން ޕައުންޑަށެވެ. ސިޓީން އޭނާ ހޯދުމަށްޓަކައި މީގެ ދެގުނަ ބްރައިޓަންއަށް ދައްކަން ޖެހޭނެކަމަށް ރިޕޯޓުތައް ބުނެއެވެ.