ބޮޑެތި މުސާރަތަކަކާއެކު މޯލްޑިވްސް ސްޓޭޓް ޝިޕިންގެ އައު ބޯޓުގެ ގިނަ ވަޒީފާތަކަކަށް ހުޅުވާލައިފިއެވެ.
އެސްޓީއޯއިން ހާމަކޮށްފައިވާ ގޮތުގައި އެމްއެސްއެސްގެ ކޮންޓެއިނަރ ވެސެލްގެ 15 ވަޒީފާއަކަށް މީހުން ހޯދުމަށް އިއުލާންކޮށްފައެވެ. މި ވަޒީފާތަކުގެ ތެރޭގައި އެންމެ ބޮޑު މުސާރައެއް ލިބެނީ ބޯޓުގެ މާސްޓާ އަށެވެ. އެ މަގާމަށް މަހަކު 115،000 ރުފިޔާ ވަނީ ހުށަހަޅާފައެވެ. މީގެ އިތުރުން ޗީފް އިންޖިނިއަރަކަށް މަހަކު 107،000 ރުފިޔާ އަދި ސެކަންޑް އިންޖިނިއަރަކަށް 92،000 ރުފިޔާ މަހަކު ލިބޭނެ އެވެ.
ބޮޑެތި މުސާރަތަކައި އެކު އެސްޓީއޯއިން ކުރި އިއުލާނެއްގައި ވާގޮތުން
މާސްޓާރ އަށް 115،000 ރުފިޔާ
ޗީފް އިންޖިނިއަރު 107،000 ރުފިޔާ
ސެކަންޑް އިންޖިނިއަރު 92،000 ރުފިޔާ
އިލެކްޓްރިޝަން 53،970 ރުފިޔާ
ތާޑް އިންޖިނިއަރ 53،970 ރުފިޔާ
ތާޑް އޮފިސަރ 38،550 ރުފިޔާ
ވެލްޑަރަށް 19،620 ރުފިޔާ
އޭބަލް ސީމޭން 15،400 ރުފިޔާ
ބޯޒްމަން 18،504 ރުފިޔާ
އޮއިލަރު 15،400 ރުފިޔާ
ކައްކާ 19،000 ރުފިޔާ
މެސް ބޯއި 13،560 ރުފިޔާ ގެ މުސާރައެއް ވަނީ ހިމަނާފައެވެ.
މި މަގާމުތަކުގެ ތެރޭގައި އެންމެ ދަށް މުސާރަ ލިބޭ ވަޒީފާގެ މުސާރަވެސް 13000 އިން މައްޗަށް އަރައެވެ. މިމަގާމުތަކަށް ކުރިމަތިލާން ބޭނުންވާ ފަރާތްތަކަށް މިމަހުގެ 19 ވަނަ ދުވަހުގެ 12:30 ގެ ކުރިން ހުށައެޅޭނެއެވެ. އެމްއެސްއެސްއިން އަލަށް ގަނެފައިވާ ބޯޓު އެމްއެސްއެސް ކްރޮމް އަންނަ މަހު ރާއްޖެއަށް އަންނާނެއެވެ. މިއީ ރާއްޖެއަށް ކޮންސްޓްރަކްޝަން ސާމާނު އެތެރެކުރުމަށް އެމްއެސްއެސްއިން ގަނެފައިވާ ބަލްކް ކެރިއަރ ބޯޓެކެވެ.
