މުއައްސަސާކަޕްގެ ޗެމްޕިއަންކަން ކައުންސިލް ޓީމް ހޯދައިފި
16 މެއި 2022 | ހޯމަ 02:30ފައިނަލްގައި ބަލިވީ ފެނަކަ ޓީމް
މުބާރާތުގެ ޗެމްޕިއަން ކައުންސިލް ޓީމް؛ ފޮޓޯ-އިލްހާމް
ނ.ލަންދޫ ފެނަކަ ބްރާންޗުން އެރަށުގެ މުއައްސަސާތަކުގެ މެދުގައި ކުރިއަށްގެންދިޔަ "މުއައްސަސާކަޕް 2022" ގެ ޗެމްޕިއަންކަން ކައުންސިލް ޓީމް ހޯދައިފިއެވެ.
ކައުންސިލް ޗެމްޕިއަންކަން ހޯދީ ފައިނަލްގައި ފެނަކަ ޓީމާ ވާދަކޮށް, 4-2 ން މެޗު ކާމިޔާބުކޮށްގެންނެވެ. ފައިނަލް މެޗުގައި ކައުންސިލް ޓީމްގެ އިބްރާހީމް ރައްޒާން ދެ ގޯލު ޖެހިއެވެ. ފައިނަލް މެޗުގެ މޮޅު ކުޅުންތެރިއަކީވެސް ރައްޒާންއެވެ. އެޓީމްގެ އަނެއް ދެގޯލް ޖެހީ އަހުމަދު ސަންމޫންއާއި, ގޯލްކީޕަރު ސާލިމްއެވެ. ފެނަކަ ޓީމްގެ ދެ ލަނޑު ޖެހީ މުޙައްމަދު ސައީދުއާއި, މުޙައްމަދު ސަމާހުއެވެ. މުބާރާތުގެ އެންމެ މޮޅު ކުޅުންތެރިއަކީ ކައުންސިލް ޓީމްގެ ސަންމޫންއެވެ.
މުބާރާތުގެ އެންމެ މޮޅު ތިން ކުޅުންތެރިންނަކީ ފެނަކައިގެން މުޙައްމަދު ސަމާހު, މުޙައްމަދު ނަފްސާން, ކައުންސިލްގެ އިބްރާހީމް ރައްޒާންއެވެ. އެންމެ މޮޅު ގޯލްކީޕަރަކީ ކައުންސިލްގެ މުޙައްމަދު ސާލިމްއެވެ. ފެއަރޕްލޭ ކުޅުންތެރިއަކީ ޞިއްޙީ މަރުކަޒުގެ ޝަކީބް އިބްރާހީމްއެވެ. މުބާރާތުގެ ރަންބޫޓް ހޯދީ ފެނަކައިގެ މުޙައްމަދު ސައީދުއެވެ. ފެއަރޕްލޭ ޓީމަކީ ޞިއްހީ މަރުކަޒެވެ. މުބާރާތުގެ "ކިންގް" އަކީ ކައުންސިލް ޓީމްގެ އަހުމަދު ސަންމޫންއެވެ.
