ހއ. ހޯރަފުށީ މަގުހެދުމުގެ މަޝްރޫއުގެ މަސައްކަތްތައް ހަލުވިކަމާއެކު ކުރިއަށްދާކަމަށް މި މަޝްރޫއާ ހަވާލުވެފައިވާ ކުންފުނިކަމަށްވާ މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ން މައުލޫމާތުދީފިއެވެ.

އެމްޓީސީސީން މައުލޫމާތުދިން ގޮތުގައި މިމަޝްރޫއުގެ ކާސްޓިންގ މަސައްކަތްތަކުގެ 84 އިންސައްތަ މަސައްކަތް ވަނީ ނިމިފައިއެވެ. އަދި އިލެކްޓްރިކަލް ޖަންކްޝަން ފޮށި ވަޅުލުމާއި ހޮޅި ވަޅުލުމުގެ 36 އިންސައްތަ މަސައްކަތް ވަނީ ނިމިފައިއެވެ. މީގެ އިތުރުން، ކަރބްސްޓޯން ބެހެއްޓުމުގެ މަސައްކަތްވެސް ދަނީ ކުރެވެމުންކަމަށް އެމްޓީސީސީން މައުލޫމާތުދެއެވެ.

ހޯރަފުށީ މަގުހެދުމުގެ މަޝްރޫއުގައި، 5.3 ކިލޯ މީޓަރުގެ 11 މަގެއް ހެދުމާއި، 25،909 އަކަމީޓަރުގެ ސަރަހައްދެއްގައި ދުއްވާ ސަރަހައްދު ގާއިމުކުރުމާއި، 11،114 އަކަމީޓަރުގެ ސަރަހައްދެއްގައި ޕޭވްމަންޓް ހެދުމުގެ މަސައްކަތް ހިމެނެއެވެ. މީގެއިތުރުން ފެންހިންދާ ނިޒާމެއް ގާއިމުކުރުމާއި، މަގުބައްތި ހަރުކުރުމާއި މަގުމަތީގެ ނިޝާންތައް ހަރުކުރުމުގެ މަސައްކަތް ހިމެނެއެވެ.

މިއީ 71.90 މިލިއަން ރުފިޔާގެ މަޝްރޫއެކެވެ.