ޝަރުތުތަކަކާއެކު ދޫކޮށްލާފައިވާ އެއް އާއިލާއެއްގެ ހަ ކުއްޖަކަށް ޖިންސީ ގޯނާކުރި ކަމަށް ބުނާ މީހާ ހައްޔަރުކޮށްފި
އޭނާ ދޫކޮށްލުމަށް ނިންމި ނިންމުން، ބުދަ ދުވަހު ހައިކޯޓުގައި އިސްތިއުނާފު ކުރުމަށް ޕީޖީން ނިންމާފައިވޭ
ކްރިމިނަލް ކޯޓް
ޝަރުތުތަކަކާއެކު ދޫކޮށްލާފައިވާ އެއް އާއިލާއެއްގެ ހަ ކުއްޖަކަށް ޖިންސީ ގޯނާކުރި ކަމަށް ބުނާ މީހާ ކޯޓު އަމުރެއްގެ ދަށުން އަނެއްކާ ހައްޔަރުކޮށްފިއެވެ.
އެމީހާ ޖިންސީ ގޯނާ ކޮށްފައިވަނީ އެކި ދުވަސް މަތިން އެއް އާއިލާއަކަށް ނިސްބަތްވާ ހަ ކުޑަކުއްޖަކަށް ކަމަށާއި، އެމީހާއަކީ ވެސް އެ އާއިލާއަށް ނިސްބަތްވާ މީހެއްކަމަށް ވަނީ މައުލޫމާތު ލިބިފައެވެ. އޭނާއަކީ އުމުރުން 55 އަހަރުގެ ފިރިހެނެކެވެ.
އެ މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
އޭނާގެ ބަންދުގެ މުއްދަތު އިތުރުކުރުމަށް ކްރިމިނަލް ކޯޓަށް ހާޒިރުކުރުމުން، އޭނާ ބަންދުން ދޫކޮށްލާފައިވާކަމަށް ފުލުހުން މައުލޫމާތު ދެއެވެ. އެކަމާ ގުޅޭގޮތުން ރާއްޖެއެމްވީއާ ވާހަކަ ދައްކަވަމުން ޕީޖީ އޮފީހުގެ މީޑިއާ އޮފިޝަލު ވިދާޅުވީ، އޭނާ ދޫކޮށްލުމަށް ނިންމި ނިންމުން، ބުދަ ދުވަހު ހައިކޯޓުގައި އިސްތިއުނާފު ކުރައްވާނެ ކަމަށެވެ.
ކްރިމިނަލް ކޯޓުން ކުރިން އޭނާގެ ބަންދަށް 30 ދުވަސް ދިނެވެ. ނަމަވެސް ބަންދު އިތުރު ކޮށްދިނުމަށް ހުށައެޅުމުން ދޫކޮށްލިއެވެ. ނަމަވެސް މިހާރު މިވަނީ އަނެއްކާ ހައްޔަރުކޮށްފައެވެ.
ބޮޑެެތިމީހުން، ޚާއްސަކޮން އިތުބާރު ކުރެވޭ މަގާމުތަކުގައި ތިބޭ މީހުން ކުޑަކުދިންނާމެދު އެފަދަ އަމަލުތައް ކުރާނަމަ އެއީ ކުދިންގެ މުޅިއުމުރަށްވެސް އެކަމުގެ ނޭދެވޭ އަސަރު ދެމިގެންދާނެ ކަމެކެވެ. އެހެންކަމުން މުޖްތަމައު އިން މިކަން ފިލުވާލުމަށް ހުރިހާ ފެންވަރެއްގައި އެއްބާރުލުންދީ ކުށްވެރިންނަށް ހައްގު އަދަބު ދޭން ޖެހެއެވެ.
