މެލޭޝިއާގެ ބަޖެޓް އެއާލައިނެއް ކަމަށްވާ އެއާ އޭޝިއާއިން ރާއްޖެއަށް އަލުން ދަތުރުތައް ފަށައިފިއެވެ.
އެ އެއާލައިނުން މިދަތުރުތައް ފެށީ އަންގާރަ ދުވަހުއެވެ. މިއާއެކު ހަފްތާއަކު ދެ ދަތުރު އެ އެއާލައިނުން ރާއްޖެއަށް ކުރާނެއެވެ. އެއީ ކޮންމެ އަންގާރަ އަދި ހޮނިހިރު ދުވަހެއްގައެވެ.
އެއާ އޭޝިއާއިން އަލުން ދަތުރުތައް ފެށުމާއި ގުޅިގެން ވެލާނާ އިންޓަނޭޝަނަލް އެއާޕޯޓުން ވަނީ އެ އެއާލައިނަށް ހޫނު މަރުހަބާއެއް ކިޔާފައެވެ.
އެ އެއާލައިނުން ރާއްޖެއަށް ކުރަމުން އައި ދަތުރުތައް ނެދުކަނޑާލީ ކޮވިޑް-19އާ ގުޅިގެން 2020 ވަނަ އަހަރުއެވެ. އަލުން ދަތުރުތަށް ފެށީ އޭޕްރީލް މަހު މެލޭޝިއާގެ ބޯޑަރު ހުޅުވުމާއެކުގައެވެ.
މިދިޔަ އަހަރުގެ ޑިސެމްބަރު މަހު ވެސް އެއާ އޭޝިއާގެ ދަތުރުތައް ރާއްޖެއަށް އަލުން ފަށަން ތާވަލު ކުރިއެވެ. ނަމަވެސް މެލޭޝިއާގެ ބޯޑަރު ނުހުޅުވާތީ ދަތުރުތައް މަޑުޖައްސާލީއެވެ.
ރާއްޖެއަށް މިވަގުތު 30 އަށްވުރެ ގިނަ ބައިނަލްއަޤުވާމީ އެއާލައިންތަކުން ދަތުރުކުރެއެވެ.
