ބާފާ ސޮކަރ ކަޕް: ދެވަނަ މެޗު ކާމިޔާބުކުރީ އެފްސީ ބޭސް ސިޓީ
3 މެއި 2022 | އަންގާރަ 15:04ތިންވަނަ މެޗުގައި ވާދަކުރާނީ މައި ޗޮއިޒް އިޒް ފުޓްބޯލްއާއި ދަ ސިޓީ
ލަނޑުޖެހުމަށްފަހު ބޭސް ސިޓީ ކުޅުންތެރިން އުފާފާޅުކުރަނީ: ފޮޓޯ-ބާފާ
ނ. ހޮޅޫދޫ ބާފާ ޖަމިއްޔާއިން ކުރިއަށްގެންދާ ބާފާ ސޮކަރ ކަޕްގެ ދެވަނަ މެޗު އެފްސީ ބޭސް ސިޓީން ކާމިޔާބުކޮށްފިއެވެ. އެޓީމް މެޗު ކާމިޔާބުކުރީ މަގޫދޫ ފުޓްބޯޅަ ޓީމާ ވާދަކޮށް 2-0 ނެވެ.
މެޗުގައި ބޭސް ސިޓީގެ ދެ ލަނޑުވެސް ފުރަތަމަ ހާފްގައި ކާމިޔާބުކޮށްދިނީ އިބްރާހީމް ރަޝީދެވެ. މެޗުގެ މޮޅު ކުޅުންތެރިއަކީވެސް އޭނާއެވެ. ފަސް ޓީމް ވާދަކުރާ މުބާރާތުގެ ފައިނަލްގެ ފުރަތަމަ ޖާގަ ލިބޭނީ ލީގު ބުރު ނިމޭއިރު އެންމެ ގިނަ ޕޮއިންޓް ހޯދާ ޓީމަށެވެ. ފައިނަލްގެ ދެވަނަ ޖާގަ ލިބޭނީ ދެވަނަ ޓީމާއި ތިންވަނަ ޓީމް ޕްލޭއޮފްގައި ވާދަކޮށް ކުރި ހޯދާ ޓީމަކަށެވެ.
މުބާރާތުގެ ތިންވަނަ މެޗުގައި އަންގާރަ ދުވަހު ވާދަކުރާނީ މައި ޗޮއިސް އިޒް ފުޓްބޯލްއާއި ދަ ސިޓީއެވެ. މުބާރާތުގެ މެޗުތައް ކުޅެނީ ހޮޅުދޫގައި ސަރުކާރުން އަޅާފައިވާ ޓާފް ފުޓްބޯޅަ ދަނޑުގައެވެ.
