ލިވަޕޫލާއި ސިޓީވެސް މޮޅު، ލީގުގެ ރޭހަށް ބަދަލެއް ނެތް!

އިނގިރޭސި ޕްރިމިއަރ ލީގުގެ ޗެމްޕިއަންކަމަށް ވާދަކުރަމުން އަންނަ މެންޗެސްޓަރ ސިޓީއާއި ލިވަޕޫލްވެސް މޮޅުވެ, ލީގުގެ ރޭސް އެގޮތުގައި ދެމިއޮވެއްޖެއެވެ. މިހަފްތާގެ މެޗުތައް ނިމޭއިރުވެސް ދެޓީމްގެ ދެމެދުގައި އޮތީ ޕޮއިންޓެއްގެ ފަރަޤެކެވެ.

އެއްވަނާގައި އޮތް ސިޓީއަށްވުރެ ކުރިން މެޗު ކުޅެ، ލިވަޕޫލުން ތާވަލްގެ އެއްވަނައަށް ޖެހިލިއެވެ. އެއީ 1-0 ން ނިއުކާސަލް ބަލިކޮށްގެންނެވެ. މެޗުގެ ހަމައެކަނި ލަނޑު ފުރަތަމަ ހާފުގައި ޖެހީ ނަބީ ކެއިޓާއެވެ. މެޗުން ލިވަޕޫލް މޮޅުވީ ޗެމްޕިއަންސް ލީގު ސެމީފައިނަލް މެޗަށް ނެރުނު އެގާރައަށް ފަސް ބަދަލެއް ގެނެސްގެންނެވެ. އޭގެ ތެރޭގައި ފޯވާޑް ސަލާހު ބެންޗަށްލުންވެސް ހިމެނެއެވެ. މެޗުން މޮޅުވެ 82 ޕޮއިންޓާއެކު ލިވަޕޫލުން ސިޓީގެ މައްޗަށް ދެ ޕޮއިންޓްގެ ލީޑެއް ނެގިއެވެ. އެކަމަކު ލިވަޕޫލް މެޗުގެ ފަހުން ސިޓީން ވަނީ 4-0 ން ލީޑް ޔުނައިޓެޑް ބަލިކޮށް އަލުން އެއްވަނަ މަޤާމް ހޯދާފައެވެ. ސިޓީއަށް މެޗުގައި ލަނޑުތައް ޖަހައިދިނީ ރޮޑްރީ, ނަތަން އަކޭ, ޖީސޫސް އަދި ފެނާންޑީނިއޯއެވެ.

މިނަތީޖާއާއެކު ސިޓީ އެއްވަނާގައި އޮތީ ޕޮއިންޓެއްގެ ފަރަޤަކާއެކުއެވެ. ލިވަޕޫލާ ސިޓީއަށްވެސް ބާކީ އޮތީ ހަތަރު މެޗެވެ.