ކްރިކެޓް ބޯޑް އޮފް މޯލްޑިވްސްއިން އިންތިޒާމުކޮށްގެން ކުރިއަށް ގެންދާ 15 ވަނަ ރަމަޟާން ކްރިކެޓް ކާނިވަލްފައި ބުރާސްފަތި ދުވަހު ކުޅުނު މެޗުތައް ކަސްޓަމްސް ރެކްރިއޭޝަން ކްލަބާއި އައިލެންޑް އޭވިއޭޝަނުން ކާމިޔާބުކޮށްފިއެވެ.

މި ކާނިވަލްގައި ބުރާސްފަތި ދުވަހު ކުޅެފައިވަނީ އޮފީސް ޓޭޕް ބޯލްގެ ދެ މެޗެވެ.

ފުރަތަމަ މެޗުގައި އިމިގްރޭޝަން ޓީމާއި ވާދަކޮށް ކަސްޓަމްސް ރެކްރިއޭޝަން ކްލަބުން މެޗް ކާމިޔާބުކުރީ 4 ވިކެޓުންނެވެ. މެޗުގައި ފުރަތަމަ ކުޅެން އެރީ އިމިގްރޭޝަނުންނެވެ. އެޓީމުން ވަނީ 8 އޯވަރުގެ ތެރޭގައި 83 ލަނޑު ހަދާފައެވެ. ޖަވާބުގައި ކަސްޓަމްސް އިން ކުޅެންއަރާ 7 އޯވަރުގެ ތެރޭގައި އެޓީމުން ވަނީ 84 ލަނޑު ހަދާފައެވެ. ކަސްޓަމްސް ޓީމުން އެންމެ ރަނގަޅަށް ކުޅުނީ 19 ލަނޑު ހެދި ފައިސަލް އަބްދުލްސައްތާރެވެ.

ބުރާސްފަތި ދުވަހު ކުޅުނު ދެވަނަ މެޗުގައި މީރާގެ މައްޗަށް އައިލެންޑް އޭވިއޭޝަނުން ކުރިހޯދީ 58 ލަނޑުންނެވެ. ޓޮސް ލިބުމުން އައިލެންޑް އޭވިއޭޝަނުން ވަނީ ކުޅެން އަރާ 8 އޯވަރުގެ ތެރޭގައި އެންމެ ކުޅުންތެރިއަކު ނުބައިވެގެން 149 ލަނޑު ހަދާފައެވެ. އެޓީމުގެ އަހުމަދު ހަސަން ސޯބިރު 32 ލަނޑު ހެދިއިރު، ޖިލްވާޒު ރަޝީދް ވަނީ 33 ލަނޑު ހަދާފައެވެ. އަދި މުހަންމަދު ސަލީމް ވަނީ 31 ލަނޑު ހަދާފައެވެ. ޖަވާބުގައި މީރާއިން ކުޅެން އަރާ 8 އޯވަރުގެ ތެރޭގައި 4 ކުޅުންތެރިން ނުބައިވެގެން އެޓީމަށް ހެދުނީ 91 ލަނޑެވެ.

މި ކާނިވަލްގައި ހުކުރު ދުވަހުވެސް ދެ މެޗު ކުޅުމަށް ވަނީ ހަމަޖެހިފައެވެ. އެގޮތުން ހުކުރު ދުވަހު ކުޅުމަށް ހަމަޖެހިފައިވަނީ އޯޕަން ޓޭޕް ބޯލްގެ ދެމެޗެވެ. ފުރަތަމަ މެޗުގައި ބައްދަލުކުރާނީ ރިވާސް ބާބާ އާއި މޯޑަސް އޮޕަރެންޑީ އެވެ. ދެވަމަ މެޗުގައި ބައްދަލުކުރާނީ އަކުންބަކުންނާއި އެޗްޑީސީއެވެ.