ރެޓްރޯ ކޮފީ ފުޓްސަލް މުބާރާތް: ނިއޯން ސްޕޯރޓްސް ދެ މެޗުންވެސް ބަލި

އަލިފުށީގައި މިހާރު ކުރިއަށްދާ ރެޓްރޯ ކޮފީ ފުޓްސަލް މުބާރާތުގައި ނިއޯން ސްޕޯރޓްސް ކްލަބާއި, ކުޑަވާއިނގިލި ކުޅުނު ދެވަނަ މެޗުންވެސް ބަލިވެއްޖެއެވެ.

ނިއޯން ސްޕޯރޓްސް ކްލަބް ބަލިކޮށް, މެޗު ކާމިޔާބުކުރީ ޓްރިޕަލް އޭޔޫ މިކްސްއެވެ. އެޓީމް މެޗު ކާމިޔާބުކުރީ 7-0 ނެވެ. މެޗުގައި ޓްރިޕަލް އޭޔޫ މިކްސްގެ ލަނޑުތައް ޖެހީ ޝަމީޒު, އަބުދުالله އާދަމް, އިސްމާއީލް ރަޝީދު, ނާޝިދު އަދި އާދަމްއެވެ. މެޗުގެ މޮޅު ކުޅުންތެރިއަކީ ނާޝިދުއެވެ. ނިއޯން ވަނީ ފުރަތަމަ މެޗުގައި ޓްރިޕަލް އޭޔޫ އަތުންވެސް ބަލިވެފައެވެ. ފުރަތަމަ މެޗުގައި ޓްރިޕަލް މިކްސް އަތުން ބަލިވި ކުޑަވާ އިނގިލި ދެވަނަ މެޗުގައި އަންގަރަ ދުވަހުގެރޭ ބަލިވީ ޓްރިޕަލް އޭޔޫއާ ވާދަކޮށް 6-0 ނެވެ. މެޗުގެ މޮޅު ކުޅުންތެރިޔާ އާދަމް އިމްރާން ތިން ލަނޑު ޖެހިއެވެ. އަނެއް ތިން ލަނޑުގެ ތެރެއިން ދެ ލަނޑު ޖެހީ ކަރީމްއެވެ. ދެން އެޓީމަށް ލަނޑު ޖަހައިދިނީ މުޙައްމަދު އާދަމްއެވެ. އެފްސީ ބްލެކް ހޯކް ބަލިކޮށް, އޭޖީ އެފްސީ ވަނީ ފުރަތަމަ މެޗު ކާމިޔާބުކޮށްފައެވެ. އެޓީމް މެޗު ކާމިޔާބުކުރީ 7-0 ނެވެ. މެޗުގެ މޮޅު ކުޅުންތެރިޔާ ސަމީހު ހެޓްރިކް ހެދިއެވެ. އެޓީމްގެ އަނެއް ހަތަރު ލަނޑު ޖެހީ ސަލާމް, ޝާހިދު, ރަޒާން އަދި ބައްސާމްއެވެ.

މުބާރާތުގެ ކުޅުން ދެން އޮންނާނީ ބުރާސްފަތި ދުވަހުގެ ރެއެވެ. ބުރާސްފަތި ދުވަހުގެރޭވެސް ތިން މެޗު ކުޅޭނެއެވެ. ފައިނަލް މެޗު ކުޅޭނީ އީދު ދުވަހުއެވެ.