މީޑިއާ ކައުންސިލްގެ ތިޖޫރީ ފަޅާލައި، 3612 ރުފިޔާ ވަގަށް ނަގައިފި

މޯލްޑިވްސް މީޑިއާ ކައުންސިލް (އެމްއެމްސީ) ގެ ތިޖޫރީ ފަޅާލައި ތިޖޫރީގައި ހުރި 3612 ރުފިޔާ ވަގަށް ނަގައިފިއެވެ.

މީޑިއާ ކައުންސިލުން ބުނީ، އެކައުންސިލްގެ ތިޖޫރީ ފަޅާލާފައިވަނީ ހޯމަ ދުވަހުގެ ރޭގެ ވަގުތެއްގައި ކަމަށެވެ. އަދި އެކަން އެކައުންސިލަށް އެގިފައިވަނީ އަންގާރަ ދުވަހުގެ ހެނދުނު 8:43 ގައި މުވައްޒަފުން އޮފީހަށް ނުކުތުމުންކަމަށެވެ.

މީޑިއާ ކައުންސިލުން މިހާރު ވަނީ އެކަން ފުލުހުންނަށްވެސް ހުށައަޅާފައެވެ. އެވަގުތު ތިޖޫރީގައި ހުރީ މީޑިއާ ކައުންސިލުން ޕެޓީ ކޭޝްގެ ގޮތުގައި ބޭނުންކުރަން ބަހައްޓާފައިވާ 3612 ރުފިޔާކަމަށް އެކައުންސިލުން ބުނެއެވެ. އަދި މި ނޫން އިތުރު އެއްވެސް އެއްޗެއް މީޑިއާ ކައުންސިލުން ގެއްލިފައިނުވާކަންވެސް ވަނީ ފާހަގަކޮށްފައެވެ.

މިހާރު ފުލުހުން ގެންދަނީ އެ މައްސަލަ ތަހުގީގުވެސް ކުރަމުންނެވެ.