އަލިފުށި ރެޓްރޯ ކޮފީ ފުޓްސަލް މުބާރާތް ފަށައިފި

އަލިފުށި ރެޓްރޯ ކޮފީ ފުޓްސަލް މުބާރާތް ފަށައިފިއެވެ. މުބާރާތުގެ ފުރަތަމަ ރޭ ތިން މެޗު ކުޅުނެވެ.

މުބާރާތުގެ ފުރަތަމަ ތިން މެޗު ކާމިޔާބުކުރީ ޓްރިޕަލް މިކްސްއާއި, ލޮބްސްޓާއާއި, ޓްރިޕަލް އޭޔޫއެވެ. ޓްރިޕަލް މިކްސް މެޗު ކާމިޔާބުކުރީ ކުޑަވާއިނގިއްޔާ ވާދަކޮށް 3-1 ނެވެ. މެޗުގެ މޮޅު ކުޅުންތެރިއަކީ ޓްރިޕަލް މިކްސްގެ އަހުމަދު އަހުމަދު ސަމީޒުއެވެ. މިއީ ގްރޫޕް އޭގެ މެޗެކެވެ. ދެވަނަ މެޗު ލޮބްސްޓާ ކާމިޔާބުކުރީ އެފްސީ ވަނދުކަރާއާއި ވާދަކޮށް 10-0 ބޮޑު ތަފާތަކުންނެވެ. އެމެޗުގެ މޮޅު ކުޅުންތެރިއަކީ ލޮބްސްޓާގެ ވިލްދާނެއެވެ. މިއީ ގްރޫޕް ބީގެ މެޗެކެވެ. ތިންވަނަ މެޗު ޓްރިޕަލް އޭޔޫ އިން ކާމިޔާބުކުރީ ނިއޯން ސްޕޯރޓްސް ކްލަބާ ވާދަކޮށް 5-2 ނެވެ. މެޗުގެ މޮޅު ކުޅުންތެރިއަކީ ޓްރިޕަލް އޭޔޫގެ އަހުމަދު އާދަމްއެވެ. މިއީވެސް ގްރޫޕް އޭގެ މެޗެކެވެ.

މުބާރާތުގައި އަންގާރަ ދުވަހުގެރޭވެސް ތިން މެޗު ކުޅޭނެއެވެ. އީދަށް އަމާޒުކޮށްގެން ކުރިއަށްގެންދާ މިމުބާރާތުގެ އިތުރުން ވޮލީބޯޅަ މުބާރާތެއްވެސް ރެޓްރޯ ކޮފީން ވަނީ އިންތިޒާމްކޮށްފައެވެ. ފުޓްސަލް މުބާރާތަށްފަހު ފިތުރު އީދުގައި އެމުބާރާތް ފަށާނެއެވެ. ވޮލީބޯޅަ މުބާރާތް ވަނީ ދެޖިންސަށް ވަކިން އިންތިޒާމްކޮށްފައެވެ.