ދަ ގްރާންޑޭ ބަލިކޮށް، ސަސްއިން ޓީސީއާއި އަރާ ހަމަކޮށްފި

ދިވެހި ޕްރިމިއަރ ލީގުގެ ދެވަނަ ބުރުގައި ދަ ގްރާންޑޭ ބަލިކޮށް, ސުޕަރ ޔުނައިޓެޑް ސްޕޯރޓްސް (ސަސް) އިން ހަތަރުވަނާގައި އޮތް ޓީސީއާއި އަރާހަމަކޮށްފިއެވެ. އެކަމަކު ޕޮއިންޓްގެ ގޮތުން އަރާހަމަކުރިޔަސް ފައިދާ ގޯލުން ކުރި ލިބެނީ ޓީސީއަށެވެ. އެހެންކަމުން ސަސް އޮތީ ފަސްވަނާގައެވެ. ދެޓީމްވެސް އޮތީ 11 ޕޮއިންޓާއެކުއެވެ.

ދަ ގްރާންޑޭގެ މައްޗަށް ސަސްއިން ކުރި ހޯދީ 3-1 ނެވެ. ފުރަތަމަ ހާފް ނިމެން ފަސް މިނިޓަށް ވެފައިވަނިކޮށް ސަސްއަށް ފުރަތަމަ ލަނޑު ޖަހައިދިނީ އިބްރާހީމް އަތީގްއެވެ. ސަސްގެ ދެވަނަ ލަނޑު ދެވަނަ ހާފްގައި ޖެހީ ޔަސްފާދު ހަބީބު (މުލަކޭ) އެވެ. އޭގެފަހުން ދަ ގްރާންޑޭގެ ނަޖާހު ލަނޑެއްޖަހާ އުއްމީދެއް ހޯދައިދިނެވެ. އެކަމަކު އިތުރު ލަނޑެއް ނުޖެހ, އިތުރު ގޯލެއް ވަނީ ކޮޅަށެވެ. ސަސްއިން ތިންވަނަ ލަނޑުޖެހީ މެޗުގެ ފުރިހަމަވަގުތު ހަމަވާން ދެ މިނިޓަށް ވެފައިވަނިކޮށެވެ. ލަނޑު ޖެހީ ޝަހާއުއެވެ.

ސަސް ފަސްވަނައަށް ޖެހިލުމުން, ސަސްކުރިން އޮތް ހަވަނަ މަޤާމަށް ސޮއްސާލީ ޔުނައިޓެޑް ވިކްޓްރީއެވެ. އެކަމަކު މިހަފްތާގެ މެޗުން މޮޅުވެގެން ޔޫވިއަށް އަލުން އެމީހުންގެ މަޤާމް ހޯދޭނެއެވެ. ޔޫވީ ހުކުރު ދުވަހު ނިކުންނާނީ ގްރީން ސްޓްރީޓްސްއާއި ދެކޮޅަށެވެ.