އިތުރު ވަގުތުގެ ލަނޑުން ޓީސީ އަތުން ބަލިނުވެ، ވެލެންސިޔާ ސަލާމަތްވެއްޖެ

ޓީސީ މޮޅުވާން ދަނިކޮށް. މެޗުގެ އިތުރު ވަގުތުގައި ބޯހާސް ޖެހި ލަނޑުން ވެލެންސިޔާ ސަލާމަތްވެއްޖެއެވެ.

ދިވެހި ޕްރިމިއަރ ލީގުގެ ދެވަނަ ބުރުގައި ތިންވަނައިގައި އޮތް ވެލެންސިޔާ ކޮޅަށް ޓީސީން ލަނޑު ޖެހީ 18 ވަނަ މިނިޓްގައި ޒަޔާންއެވެ. އުނދަގޫ ހާލަތެއްގައި އޮތް ވެލެންސިޔާ ސަލާމަތްވީ މެޗުގެ އިތުރު ވަގުތުގައި އަބުދުالله ޔާމީނު (ޔާނު) ތަނަވަސްކޮށްދިން ފުރުޞަތެއްގައި ބޯހާސް ޖެހި ލަނޑުންނެވެ. އޭރު ޓީސީން ކުޅެމުންދިޔައީ 10 ކުޅުންތެރިންނާއެކުއެވެ. އެއީ ދެވަނަ ހާފް ފަށައިގެން 10 ވަނަ މިނިޓްގެ ތެރޭގައި އަބުދުލް ވާހިދު އިބްރާހީމް (ވާޑު) އަށް ދެވަނަ ރީނދޫ ކާޑާއެކު ރަތްކާޑް ދެއްކުމުންނެވެ. 56 ވަަނަ މިނިޓުން ފެށިގެން ޓީސީން ކުޅުނީ 10 ކުޅުންތެރިންނާއެކުއެވެ.

މިނަތީޖާގެ ސަބަބުން ތާވަލްގައި ދެޓީމްގެ މަޤާމަށް ބަދަލެއް ނާދެއެވެ. ވެލެންސިޔާ ތިންވަނައިގައި އޮތީ 13 ޕޮއިންޓާ އެކުގައެވެ. ޓީސީ އޮތީ 11 ޕޮއިންޓާއެކު 4 ވަނައިގައެވެ. ވެލެންސިޔާއަށް ކުރިއަށް ދެން އޮތީ އޭއެފްސީކަޕް ގްރޫޕް ސްތޭޖްގެ ޖާގައެއް ހޯދަން ކުރާ މަސައްކަތުަގއި ބަނގްލަދޭޝްގެ ޑާކާ އަބަހާނީ އާއި ވާދަކުރާ މެޗެވެ. ބަނގްލަދެޝްގައި އެމެޗު ކުޅޭނީ މިމަހުގެ 12 ވަނަ ދުވަހުއެވެ. އެމެޗު އޮތުމުން ޓީސީ މެޗު ފަސްކޮށްދޭން ވެލެންސިޔާއިން އެދުނު ނަމަވެސް އެކަން ނުވީއެވެ.