ޕީއެސްޖީގެ ތަރިންގެ ގޯލްތަކުން ޕީއެސްޖީއަށް ބޮޑު މޮޅެއް
4 އެޕްރީލު 2022 | ހޯމަ 08:20ޕީއެސްޖީ މޮޅުވީ 5-1 ން
ޙަފްޞީ ޢަބްދުالله | 4 އެޕްރީލު 2022 | ހޯމަ 08:20
މެސީއާއި ނޭމާވެސް މެޗުގައި ލަނޑު ޖެހި: ފޮޓޯ-ޕީއެސްޖީ
ފްރެންޗް ލީގުގައި ޕީއެސްޖީގެ ތަރިންގެ ގޯލުތަކުން ލޮރިއެންޓް އަތުން ބޮޑު މޮޅެއް ހޯދައިފިއެވެ.
މެޗަށް ނުކުތް އިރުވެސް ބޮޑު ލީޑަކާއެކު އެއްވަނާގައި އޮތް ޕީއެސްޖީން މެޗު ކާމިޔާބުކުރީ 5-1 ނެވެ. މެޗުގައި ފުރަތަމަ ލަނޑާއި ފަހު ލަނޑު ޖެހީ ބްރެޒިލްގެ ނޭމާއެވެ. ދެވަނަ ލަނޑާއި ތިންވަނަ ލަނޑު ޖެހީ އެމްބާއްޕޭއެވެ. ހަތަރުވަނަ ލަނޑު ޖެހީ މެސީއެވެ. މެސީ ލަނޑުޖަހަން ފުރުޞަތު ތަނަވަސްކޮށްދިނީ އެމްބާއްޕޭއެވެ. ލޮރިއެންޓްގެ ހަމައެކަނި ލަނޑު ޖެހީ މޯފީއެވެ.
މިމޮޅާއެކު ޕީއެސްޖީ އެއްވަނާގައި އޮތީ 30 މެޗުން 68 ޕޮއިންޓް ހޯދައިގެންނެވެ. ދެވަނާގައި އޮތީ 30 މެޗުން 56 ޕޮއިންޓާއެކު މާސޭއެވެ. މާސޭއިން ވަނީ ލީގުގައި ރޭ 4-2 ން ސެއިން އެޓިއެން ބަލިކޮށްފައެވެ.
