ވެލިގާގެ ވެބްސައިޓް ލޯންޗްކޮށްފި
3 އެޕްރީލު 2022 | އާދީއްތަ 18:21މި ވެބްސައިޓުން އޯޑަރުކުރާ ތަކެތި 2 ދުވަހުގެ ތެރޭގައި ލިބޭނެ
ވެލިގާ ހާޑްވެއަރގެ ވެބްސައިޓް ލޯންޗްކުރުން
ވެލިގާ ހާޑްވެއަރގެ ސާމާނުތައް ފަސޭހައިން ލިބޭނެ އިންތިޒާމު ހަމަޖައްސައިދިނުމަށްޓަކައި، ވެލިގާގެ އީ-ކޮމާޝަލް ވެބްސައިޓް ލޯންޗުކޮށްފިއެވެ.
މާގިރި ހޮޓެލްގައި އާދީއްތަ ދުވަހުގެރޭ ބޭއްވި ރަސްމިޔާތުގައި ވާހަކަ ދައްކަވަމުން ވެލިގާގެ އެސިސްޓެންސް ޖެނެރަލް މެނޭޖަރ އިރުފާން އަބްދުﷲ ވިދާޅުވީ، ވެލިގާއަކީ ހަމައެކަނި މާލޭގައި ޚިދުމަތްދެމުން އަންނަ ކުންފުންޏެއްނަމަވެސް މި ތައާރަފްވެގެންދިޔަ ވެބްސައިޓާއެކު ރާއްޖޭގެ އެކި ރަށްރަށުގައި ތިބެގެން ފަސޭހަކަމާއެކު އޯޑަރުކޮށް މުދާ ގަނެވޭނެކަމަށެވެ. އަދި މި ވެބްސައިޓުން ލޮގިންނުވެ ގެސްޓް ޔޫސަރއެއްގެ ގޮތުގައި މައުލޫމާތު ސާފުކޮށްލެވޭނެއެވެ.
ވެލިގާގެ ސީނިއަރ ސޭލްސް އެގްޒެކްޓިބް މުހައްމަދު ނަވާޒް ވިދާޅުވީ، މި ވެބްސްއިޓް މެދުވެރިކޮށް ރަށްރަށުން އޯޑަރުކުރާ ސާމާނު ބޯޓުފަހަރަށް ޑެލިވަރކޮށްދޭނެކަމަށެވެ. އަދި ބީ.އެމް.އެލް މެދުވެރިކޮށް ފައިސާ ދެއްކޭނެކަމަށްވެސް ނަވާޒް ވިދާޅުވިއެވެ.
މި ވެބްސައިޓުން އޯޑަރުކުރާ ތަކެތި 2 ދުވަހުގެ ތެރޭގައި ލިބޭނެކަމަށާއި، މުސްތަގުބަލުގައި ވެބްސައިޓަށް ފީޗަރތައް އިތުރުކުރެވޭނެކަމަށެވެ. މިގޮތުން ''ޑިޖިޓަލް ރޯޑް'' މެޕް އެޑްކުރެވޭނެކަމަށް ނަވާޒް ވިދާޅުވިއެވެ.
މިއީ ފަސޭހައިން ރަށްރަށުގައި ތިބެގެން ވެލިގާއިން މުުދާ ގަތުމުގެ ފުރުސަތު ހޯދައިދިނުމަށް ލޯންޗްކުރެވުނު ވެބްސައިޓެކެވެ.
