ސައުދީއަރަބިއާ ގައި މާދަމާއަކީ ރަމަޟާން މަހުގެ ފުރަތަމަ ދުވަސް
1 އެޕްރީލު 2022 | ހުކުރު 16:23މެލޭޝިއާއި އިންޑޮނޭޝިއާގެ އިތުރުން ދުނިޔޭގެ އެހެން ބައެއް ގައުމުތަކުންވަނީ، މިއަހަރުގެ ރޯދަމަހުގެ ފުރަތަމަ ދުވަހަކީ އަންނަ އާދީއަތް ދުވަސްކަމުގައި އިއުލާން ކޮށްފައި
ރަމަޟާން މަހުގެ ހަނދު ބެލުން
ސައުދީއަރަބިއާއަށް ރަމަޟާން މަހުގެ ހަނދު ފެނުމާއި ގުޅިގެން، ހޮނިހިރު ދުވަހަކީ ރޯދަމަހުގެ ފުރަތަމަ ދުވަސް ކަމުގައި އެގައުމުގައި އިއުލާން ކޮށްފިއެވެ.
ސައުދީ ސަރުކާރުން ބުނީ، އެގައުމުގެ އެކި ހިސާބުތަކަށް ހަނދު ފެނިފައިވާ ކަމަށެވެ. އެހެންކަމުން އެޕްރީލް މަހުގެ 2 ވަނަ ދުވަހަކީ ބަރަކާތްތެރި ރަމަޟާންމަހުގެ ފުރަތަމަ ދުވަސްކަމުގައި ނިންމާފައިވާކަމަށެވެ.
ސައުދީއަރަބިއާއިން އެޕްރީލް މަހުގެ ދެވަނަ ދުވަހަކީ، ރޯދަމަހުގެ ފުރަތަމަ ދުވަސްކަމުގައި ނިންމާފައިވާއިރު، މެލޭޝިއާއި އިންޑޮނޭޝިއާ، ޕާކިސްތާންގެ އިތުރުން ދުނިޔޭގެ އެހެން ބައެއް ގައުމުތަކުންވަނީ، މިއަހަރުގެ ރޯދަމަހުގެ ފުރަތަމަ ދުވަހަކީ އަންނަ އާދީއަތް ދުވަސްކަމުގައި އިއުލާން ކޮށްފައެވެ.
މިއަހަރުގެ ރަމަޟާންމަހުގެ ފުރަތަމަ ދުވަހަކީ އެޕްރިލްމަހުގެ 3 ވަނަ ދުވަސްކަމުގައި މިހާރު އިއުލާން ކޮށްފައިވާ ގައުމުތަކުގެ ތެރޭގައި، ބުރޫނާއީއާއި، ސިންގަޕޯރއާއި، އަދި ޖަޕާންވެސް ހިމެނެއެވެ.
އަރަބި ގިނަ ގައުމުތަކުން ރަމަޟާންމަހުގެ ފުރަތަމަ ދުވަސް އިއުލާން ކުރާގޮތަށް އޮތީ ހުކުރު ދުވަހުގެ މަޣްރިބް ނަމާދަށް ފަހުގައެވެ.
